Hans Enoksen: Per Rosing-Petersenip ilaasortanngoqqinniarnera tikilluaqquarput
Per Rosing-Petersen Partii Inuini qaammatit marluk matuma siorna siulittaasunngorpoq. Tamannali partiimit sapaatiummat ilaasortaajunnaarneratigut killeqarpoq.
Siornatigut parteerimasaminut Partii Naleqqamut maanna ilaasortanngoqqittussanngorpoq.
Partii Naleqqami siulittaasup, Hans Enoksenip, aallakaatitassiami Inuiaat Tillerneranni oqaatigaa Per Rosing-Petersen partiimut ilaasortanngoqqinnissaminut tikilluaqqusaasoq.
AAMMA ATUARUK Enokseni partiimut uterniaq pillugu oqaaseqarumanngitsoq
Per Rosing-Petersen suleqatigiinnikkut ajornartorsiuteqarneq pissutigalugu Partii Naleqqamit siorna aggustip qaammataani ilaasortaajunnaarsinneqarpoq, siulittaasullu Hans Enoksenip erseqqissaatigaa inunnik ataasiakkaanik malersuinerit Per Rosing-Petersenip attuumassuteqarfigisai naammagilersimallugit.
Hans Enoksenilu naapertorlugu taamatut pisoqaqqinnginnissaa pingaaruteqarpoq.
- Partiimut ilaasortanngoqqinniarnera soorunami ataatsimut tikilluaqquarput. Nammineerluni taanna saaffiginninnera massakkut tiguarput, neriuppungalu aamma tamatta ilinniarfigisimassagipput, pingaartumik inunnut ataasiakkaanut taakku malersuinerit, uagut kissaatiginngisavut, aallarteqqinneqassanngitsut, Hans Enoksen KNR-imut taama oqarpoq.
AAMMA ATUARUK Kun Per Rosing ønskede at sammenlægge partier
AAMMA ATUARUK Hurtigt exit fra Partii Inuit