Enokseni partiimut uterniaq pillugu oqaaseqarumanngitsoq

Per Rosing-Petersenip partiimut qaammatini marluinnarni siulittaasooreerluni Partii Inuit Partii Nalerarlu kattunnissaat siunnersuutigisimavaa.

AAMMA ATUARUK Kun Per Rosing ønskede at sammenlægge partier

Siunnersuutigineqartoq akerleriissutigineqaqaaq, Partii Inuinullu siulittaasuugallartoq, Paaliit Mølgaard, KNR-imut oqarpoq partii nammineq allanik anguniagaqarmat Partii Inuit taamaatinneqarnissaa kissaatiginngikkini.

Partii Nalerarli matumunnga attuumassuteqarsimanersoq akuliussimanersorluunniit suli nalunarpoq. KNR-ip Naleqqap siulittaasua Hans Enoksen attaveqarfigaa, aperalugu Per Rosing-Petersen Partii Naleqqamut nuunniarnera akuerisimanerini, akiumanngilarli.

Per Rosing-Petersen Partii Naleqqamit suleqatigiinneq ajornartorsiutaalluni siorna augustimi ilaasortaajunnaarsitaavoq.

Taanna ilaasortanut allanut akerliusarsimavoq, Hans Enoksenilu naapertorlugu inunnut ataasiakkaanut tunngasut suliassat peqataaffigerusunnagit suleqatigiinneq nammineq kipisariaqalersimavaa.

Partii Inuinut kingorna ilaasortanngorpoq, taamanilu KNR-imut oqaatigaa killilersugaavallaanngitsumik namminerlu isummersortarnerminut naapertuuttumik tunuliaquteqalerluni. Qaammatilli marluinnaat qaangiummata inuulluaqqusivoq.

AAMMA ATUARUK Hurtigt exit fra Partii Inuit