Rosing-Petersen Partii Naleqqamut uterpoq

Per Rosing-Petersen siorna Partii Naleqqamiit ilaasortaajunnaartitaagaluariarluni maanna pisortatigoortumik uteqqippoq.

- Tamanna naammagisimaaqaara. Allaanngilarmi oqimaatsorsuarmik nammaaginnakasillartunga, Per Rosing-Petersen oqarpoq.

AAMMA ATUARUK Per Rosing-Petersenip ilaasortanngoqqinniarnera tikilluaqquarput

Siornami ilaatigut Telepostimi pisortaq Kristian Reinert Davidsen savalimmiuni suliffeqarfimmi amigartoorujussuartitsisimasutut pisuutereeraalu Partii Naleqqap siulittaasuata Hans Enoksenip ilaasortaajunnaarsippaa.

Tamatuma kingorna Partii Inuit Per Rosing-Petersenip ilaasortaaffigilerpaa kinguninngualu siulittaasunngortinneqarluni. Akunnerulli naanerani Partii Inuit siulersuisui ataatsimeereersullu Per Rosing-Petersen allat sisamat peqatigalugit partiimiit ilaasortaajunnaarlutik.

AAMMA ATUARUK Per Rosing Petersen Partii Inuit siulittaasortaarivaat

Politikkilu pillugu naliliisartup Naja Paulsenip siornatigut oqaatigereernikuuaa Per Rosing-Petersen Partii Naleqqamut uterteqqinneqassagaluarpat partiip upperineerunneqarnissaanik kinguneqarsinnaassasoraa.

Taamaannerangaanerli Per Rosing-Petersenip isumaqatiginngilaa.

- Siornatigummi politikkikkut angorusutakka suli siunniuteqqagakkit, Per Rosing-Petersen oqarpoq.