Ronaldo pinngitsaaliisimasutut unnerluutigineqartoq
Nevadami eqqartuussiviup qaammatini tuliuttuni suliassanngortitsineq qanoq pineqassanersoq aalajangiiffigissavaa.
Suliarlu pillugu politiit misissuileruttorput.
Ronaldop Las Vegasimi 2009-imi feeriartilluni imerniartarfimmi arnaq naapippaa, Paparazzillu assilisimasaanni takuneqarsinnaavoq Ronaldop arnaq imerniartarfimmi oqaloqatigigaa.
Pinngitsaalinerarneqartup ikinngunni ilagalugu nangikkiaqataasimapput, festernerullu nalaani Ronaldop arnaq qaninngoorpaa arnamilli itigartinneqarami arnaq sinittarfimmukaateriarlugu pinngisaalisimavaa.
AAMMA ATUARUK Ronaldo timersortartuni akissarsiaqqortunersaavoq
Pisup kingorna arnaq politeeqarfimmukarpoq pinngitsaaliisimasulli aqqa taasimanngilaa nuannarinnittaanit siorasaarneqarnissi ernumagalugu.
Arnap Ronaldollu eqqartuussissuserisuisa isumaqatigiissut atsiorpaat, taamaalilluni arnap pineqartup oqaaseqannginnissaa anguniarlugu 2,5 milliuuninik akilerneqarluni, maannali suliaq misissuiffigineqalerpoq.