Ritzau Timersorneq Nunanit allanit

Forbes: Ronaldo timersortartuni akissarsiaqqortunersaavoq

Arsaattartoq Christiano Ronaldo timersornerup silarsuaani aningaasarsiornerpaavoq, inuussutissarsiorneq pillugu atuagassiaq Forbes taama ilisimatitsivoq.
Arsaattartoq Christiano Ronaldo ullormut 1,7 millioninik isertitaqarpoq Assi © : Ludovic Péron/Flickr Creative Commons
Allattoq Ritzau
juunip 08-at 2017 07:56
Nutserisoq Simon Uldum -

Spaniami pissartanngoqqammerpoq, aamma Real Madridimioqatinilu Champions Leaguemi pissartanngorput.

Portugalimiorli aamma aningaasarsiornikkut ingerlalluarpoq, inuussutissarsiornermi pillugu atuagassiap Forbesip timersortartut pillugit allattorsimaffia naapertorlugu silarsuarmi isertitaqqortunersaavoq.

Ronaldo ukiumut 93 millionit dollarsinik - 613 millionit koruunit missaannik - isertitaqarpoq, akissarsiaalu, bonusit aningaasaliisunillu isertitat ataatsimut katikkaanni timersortartuni isertitartoqqunersaavoq.

Taamaalilluni ullormut 1,7 millioninik isertitaqarpoq!

Basketballertartoq tusaamasaq, LeBron James, 569 millionit koruuninik isertitaqarluni allattorsimaffimmi normu 2-juvoq, FC Barcelonamilu arsaattartoq Lionel Messi 528 millionit koruunit missaannik isertitaqarluni normu 3-ulluni.
Timersortartut 100-t allattorsimaffimmiipput, angutaannangajaallutillu.

Timersortartuni 100-suni Serena Williams normu 51-itut inissisimavoq, ukiumut 27 millionit dollarsinik isertitaqarluni - tassalu 178 millionit koruunit missaannik.

 

Aamma atuaruk

Ritzau

Ukraine: Illersornissaqarfitta russit timmisartuat qaartartunik usisartoq eqqorlugulu aserorpaat

Timersorneq

Futsalimi pissartanngorniunneq: Semifinalet pissanganassagunaqaat

Ritzau

EU-p siuttuisa Israelip aaqqiagiinngissutsinik sakkortusiartortitsinnginnissaanik kaammattoraat