Vestindiami qeqertat pillugit allakkat paasiniaaffigineqarsinnaalersut
Assimmi allagaatillu millionilikkaat digitaliseerernissaat Naalagaaffiummi allagaateqarfiata ukiuni pingasuni suliarereerlugit suliaq maanna naammassivaa, assit allagaatillu Danmarkip nunasiaateqartutut ukiuni 250-ini inissisimanera paasiniaavigineqarsinnaalluni.
Vestindiami qeqertat USA-mut tunineqarnerannit ukiut 100-nngortullu Naalagaaffiup Allagaateqarfiata Vestindia pillugu assingi allagaatiisalu nittartakkakkut alakkarterneqarsinnaanngorput.
- Oqaluttuarisaaneq pillugu annerusumik paasisaqalernissamut periarfissiivoq, kikkulluunniillu nittartagaq aqqutigalugu isersinnaapput. Kinguaariinnik misissuisunut soqutiginaateqarsinnaavoq, ilaquttatik pillugit paasiniaasinnaassallutik, ilisimatusartunullumi aamma soqutiginaateqarsinnaavoq, Louise Sebro, Naalagaaffiup Katersugaasivissuaneersoq, Vestindialu pillugu aamma ilisimatusartoq oqarpoq.
Danmarkillu Vestindiami nunasiaateqarsimaneranut tunngasunik paasiniaaniaraanni nittartakkami qupperneq pineqartoq iserfigineqarsinnaasoq, Louise Sebrop oqaatigaa:
- Aqutsinermi allagaatit, naatsorsuutit, plantageat allattorsimaffiat, inuillu sumiiffinni ataasiakkaani sumi najugaqarsimanersut paasiniarneqarsinnaavoq. umiarsuit tikittartut allattorsimaffii aamma alakkartterneqarsinnaapput, inussiaatillu Afrikameersut kikkut Vestinidialiartinneqarsimanersut aamma paasiniarneqarsinnaalluni, Louise Sebro, DR-imut oqaluttuarpoq.
Danmarkillu Vestindiami nunasiaateqarsimaneranut tunngasut annerusumik paasiniaaffiginiaraanni SA.dk-mut isernikkut tamanna pisinnaassaaq.
