Randi Vestergaard Evaldsenip LNS Greenland nersualaarpaa

Rubinisiorfimmut akuersissutit arlallit True North Gems Greenland A/S-ip septembarimi akiliisinnaajunnaartup tigummisarisimasai LNS Greenland Gems A/S-imit tiguneqarnissaat Naalakkersuisut ataasinngornermi akuersissutigaat.

Tamatumunngalu atatillugu Aningaasaqarnermut Aatsitassanullu Naalakkersuisup Randi Vestergaard Evaldsenip suliffeqarfik suliniuteqarfimmiittoq nersualaarpaa.

- LNS Greenland Gems A/S-ip taama sivikitsigisumik periarfissaqartinneqarluni True North Gems Greenland A/S-ip pigisai tigummagit naammagisimaartorujussuuara, taamaalilluni Aappaluttumi rubinisiorfissaq ingerlaqqissinnaalerluni, tusagassiutinut nalunaarummi allappoq.

Sulisullu akiliisinnaajunnaarnerup kinguneranit suliffimminnik annaasaqartut maanna sulileqqissinnaalernissaat neriuutigaa:

- Sulisunut maannamut suliassami sulisimasunut tamaginnut, neriuginartumik suliffitsik suliffigeqqilersinnaassammassuk qujanarpoq – aammalu aatsitassarsiorfissaq tupinnaannartoq ingerlaqqissinnaalermat qujanarpoq, naggasiilluni allappoq.

Aamma atuaruk Rubinisiornissamut akuersissutit LNS-imut tunniunneqartut

Aamma atuaruk Rubinisiorfik neriulluartitsigaluartoq

Aamma atuaruk TNGG 100 millionit koruuninik amigaateqarluni akiliisinnaajunnaartoq