TNGG 100 millionit koruuninik amigaateqarluni akiliisinnaajunnaartoq
- Uppernarsarsinnaavara TNGG ippassaq nalunaaqutaq ataatsip qeqqanut akiliisinnaajunnaartutut nalunaarutigineqarmat. Suliffeqarfimmi siulersuisut akiliisinnaajunnaarnissamik ippassaq ullaap tungaani piumasaqarnerisigut suliaq suliarineqarpoq, ingerlatseqatigiiffiup akiliisinnaajunnaarneranut akisussaasoq, Peter Schriver KNR-imut oqarpoq.
Ingerlatsivimmi aatsitassarsiornissamut atatillugu aningaasaliisinnaasunik amigaateqarneq ingerlatsinermullu aningaasameerneq pissutigalugit siulersuisut akiliisinnaajunnaarnissamik piumasaqarsimapput.
Aamma atuaruk Akileraartartut akiliutaat millionerpassuit annaaneqartut
Infgerlatseqatigiiffik juulimili aningaasamiilerpoq, tamatumalu kingunerisaanik Qeqertarsuatsiaani sulisut soraarsinneqartariaqarsimallutik
- Aningaasanik isaatitsiviusinnaaneranut nalorninartoqarsinnaanneralu nalilersorsuisoqarsimagunanngilaq. Kisianni aningaasaliisut ataasiakkaat aalajangiussaat peqqutaallu ilisimanngilakka, Peter Schriver oqarpoq.
Ingerlatseqatigiiffiup siunissaa suli qulakkeerneqanngilaq, akisussaasorli naapertorlugu sulisunut qanoq aaqqiisoqassanersoq aamma akuersissutit licensit tuniniarneqarnissaat ingerlatseqatigiiffiup anguniagaasa piviusunngortinniissaanut periarfissagissaarsorineqarpoq.
- Namminersorlutik Oqartussat peqatigalugu ingerlatsivimmik piserusussuseqarsinnaasumik ujaasissaagut - akuersissutinillu licensinik nussuissoqassalluni. Isumannaagassat amerlapput, periarfissagissaarneralu upperaarput, ingerlatseqatigiiffiup akiliisinnaajunnaarneranut akisussaasoq, Peter Schriver oqarpoq.
