RAL-ip taarseeqqusinissamik siorasaarisut isumaqatiginniarumagai
Royal Arctic Line - RAL aamma Aalborg Havn A/S suli imminnut ungaseqaat.
Taamatut nalunaaruteqareersorlu Aalborg Havn A/S aalerisaaruteqarpoq, isumaqatigiissut 2019-imi atorunnaassappat 200 milliuunit koruunit tikillugit taarsissuteqartoqarnissaanik piumasaqarniarluni.
Royal Arctic Linemili pisortaanerup Verner Hammekenip tamanna eqqissisimasumik tiguaa.
Ifølge RAL kan der opnås følgende besparelser ved flytningen til Aarhus:
-
Mellem 42,5 - 45,5 mio. kroner om året i fragtomkostninger pga. samsejling og havneskift
-
Hvis bearbejdningen af grønlandske fisk flytter fra Aalborg til Grønland, kan landskassen opnå en besparelse på ca. 367 mio. kr. (regnet i 2013-priser)
-
110 arbejdspladser bortfalder i Aalborg. Kun 10 stillinger bliver bibeholdt.
- Isumaqatigiissumik atorunnaarsitsinngilavut, isumaqatigiissumillu taamatitsinata.
Verna Hammekenilli umiarsualivik isumaqatigiinniarnissamik neqeroorfigaa:
- Aalajangiusimavarput, 2020-p kingorna isumaqatigiissut sivitsorneqassanngitsoq.
Aalborg Havn isumaqatigiinniarnissamut aamma aggersarusupparput, pilersaarutivut ataqatigiissumillu aaqqiissuteqarnissaq anguniarlugu, tassa 2019-p tungaanut tamatsinnut akuerineqarsinnaasumik aaqqiissuteqarnissamut, Verna Hammeken nassuiaavoq.
Hammeken naapertorlugu Aalborg Havn A/S-imi pisortaqatigiit massakkut isumaqatigiinniarnissamut ammanngillat.
AAMMA ATUARUK Aalborg Havnip RAL pakatsissutigigaa
Naatsorsuutigaali allanngorumaartoq. Taarsiissuteqartoqarnissaanimmi piumasaqarneq allatut isiginiarneqarsinnaammat.
- Isumaqatigiinniarnermi suleqatigiittut oqaloqatigiinnissarput naatsorsuutigaara, isumaqatiginniarnermilu nalunaallissaaq 200 milliuunit koruunit sumit tunngavilersuutigineqarnersut. Royal Arctic Linellu tungaanniit aamma saqqummiussisoqarsinnaassaaq. Piviusullu tunngavigalugit aningaasat piumaneqartut taakkuunavianngitsut naatsorsuutigaara, Verner Hammeken oqarpoq.