Nunani avannarlerni killerni suleqatigiinnissamut, ilaatigut nunatta Islandillu akornanni ingerlaaqatigiinnissamik imaqartumik pilersitsinissamut, Royal Arctic Linep Eimskipillu isumaqatigiissutaat Islandimi unammilleqatigiinnermut aqutsisoqarfimmit pisortatigoortumik apriilip qaammataani akuersissutigineqarpoq. Assi: Jacob Strøm/RAL

Teknikkikkut ajutoorneq: RAL-ip Eimskipimik ingerlaaqateqarnissaa kinguartinneqartoq

Ingerlaaqateqarneq 2020-mi ukiup sisamararterutaata aappaani aallartittussaagaluartoq kinguaattoorfiuvoq.

Umiarsuit pingasut pisiarineqareerput Islandimiullu umiarsuaq pisiarisaat teknikkikkut ajortorsiormat kinguaattoortoqarpoq.

Umiarsuit pingasut pisiarineqareerput ataaseq Royal Arctic Linemit marlullu Eimskimit pisiaallutik.

Nunani avannarlerni killerni suleqatigiinnissamut, ilaatigut nunatta Islandillu akornanni ingerlaaqatigiinnissamik imaqartumik pilersitsinissamut, Royal Arctic Linep Eimskipillu isumaqatigiissutaat Islandimi unammilleqatigiinnermut aqutsisoqarfimmit pisortatigoortumik apriilip qaammataani akuersissutigineqarpoq.

Royal Arctic Line taama nalunaaruteqarpoq.

AAMMA ATUARUK RAL-ip issittumi assartuussinissamut neqeroorutaa amigaatilik

Taamaasillutik Royal Arctic Linep Islandimilu umiarsuaateqarfiup Eimskip Islandip nunatta savalimmiut europalu ingerlaaqateqarnikkut angalaarfigilissavaat.

Royal Arctic Line Eimskipilu suleqatigiinnerminnut atatillugu umiarsuarnik imarpikkoortaatinik nutaanik pingasunik peqatigiillutik sanatitsipput – umiarsuaq ataaseq Royal Arctic Linep pigaa Eimskipillu marluk pigalugit. Umiarsuit Kinami Guangzhoumi sananeqarput.

Royal Arctic Linemit nalunaarutigineqarpoq misileraalluni angalanissap piareersarneqarnerani Eimskipip umiarsuaani siullermi teknikkikkut ajornartorsiuteqarnera paasineqartoq, tamannalu pissutigalugu umiarsuit suleqatigiinnermi atorneqartussat kinguaattoorutigineqassapput.

Siornatigut oqaatigineqartutut ukiup sisamararterutaani siullermi aallartisartoqarani 2020-mi ukiup sisamararterutaata aappaani siusissukkut aallartisartoqarsinnaanissaa sulissutigineqarpoq.

Royal Arctic Line sullitaminut ineriartorneq pillugu ingerlaavartumik ilisimatitsisassaaq.

AAMMA ATUARUK Atuisut aningaasaliinissamut akiliutaat maangaannanngitsut

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat