Assi: Royal ArcticLine

USA-p itigartitsinera: RAL-ip issittumi assartuussinissamut neqeroorutaa amigaatilik

Royal Arctic Linep Pituffimmut imaatigut assartuinermi amerikamiut illersorniaqarfiata piumasaqaatai naammassisinnaanngilai, Umiarsuaatileqatigiiffiup Pituffimmut imaatigut assartuinissamut neqerooruteqarneranut itigartsitsineq taama nipaqarpoq. Tamannali Royal Arctic Linep eqqissisimasumik tiguaa.

Sisamanngornermi saqqummiunneqarpoq, amerikamiut suliffeqarfiutaata  Schuyler Line Navigation Companyp,  Pituffimmut Pituffimmiillu imaatigut assartuineq ukioq 2023-ip tungaanut  atuuttussaq isumaqatigiissuteqarfigisimagaa.

Suliffeqarfik taanna  2017-mili  imaatigut assartuinermik isumaqatigiissuteqarpoq, tamannalu sioqqullugu Royal Arctic Line ukiuni arlaqartuni sakkutooqarfimmut assartuisarpoq.

AAMMA ATUARUK Amerikamiut umiarsuaatileqatigiiffiat Pituffimmut isumaqatigiissuteqaqqittoq

Imaatigut assartuinissamik kingullermik suliariumannittusarsiortoqarmat Royal Arctic Line neqerooruteqaraluarpoq,
RAL-imiillu nalunaarutigineqarpoq,  USA-imi illersornissamut ministereqarfiup  Namminersorlutik oqartussat umiarsuaatileqatiffiat isumaqatigiissuteqarfigissallugu taamaatinneqartoq pissutsit marluk tunngavigalugit.

Royal Arctic Linep  neqeroorutai USA-mut attuumassuteqanngillat.  Naak tamanna USA-mi illersornissamut ministereqarfiup piumasaqaatigigaluaraa.

Royal Arctic Linep tusagassiuutinut nalunaaruteqarluni ilisimatitsissutigaa, isumaqatigiissuteqarnissamut periarfissat tamakkiisuunngimmata, amerikamiut imaatigut assartuinermi iluanaarutaasumik piumasaqaateqarnerat pissutaalluni.

Roayl Arctic Linep pisortaanerata Verner Hammekenip KNR-imut ilisimatitsissutigaa,  Ralip neqeroorutaata amerikamiunit itigartitsissutigineqarnera umiarsuaatileqatigiiffiup aningaasaqarneranut ajornartorsiortitsilernavianngitsoq.

Umiarsuaatileqatigiiffimmi RAL-imi ukiuni tulliuttuni qulakkeerniarneqarpoq tulliani suliariumannittussarsiuussinissamut   teknikimut upalungaarsimaneq piumasaqaatinullu uppernarsaanissaq  taamaalilluni umiarsuaatileqatigiiffik Qaanaap eqqaa pillugu USA-mi oqartussaasunik suleqateqaqqissinnaaniassammat. 

AAMMA ATUARUK Amerikamiut umiarsuaat Pituffimmut assartuussisussatut inatsimmi salliutinneqartut

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat