RAL-ip umiarsuai Aarhusimut tulattalissapput
AAMMA ATUARUK Aalborgip Umiarsualivia containerinut inissiisarfimmik nutaamik sanaartorniartoq
Suliffeqarfik tugassiuutinut nalunaruuteqarluni taama allappoq.
Aarhusip umiarsualiviata siunissami atorneqarulerneratigut, Royal Arctic Linemi suliat ajornannginerulernissaat sunniuteqarnerulernissaallu kissaatigineqarput, Royal Arctic Line-mi pisortaq Verner Hammeken oqarpoq.
AAMMA ATUARUK Aalborgip umiarsualiviata Royal Arctic Line tatiniarsarigaa
Pisisartutta piareersartarnerisa aqutserisarnerisalu annertunerulernissaannut periarfissaqarnerulissapput, pisortaq Verner Hammeken oqarpoq.
Royal Arctic Line-p umiarsuaasa angalasarnerat allanngortinneqassapput, aalajangersimasumik pingaarnertut tulattarfeqarunnaarlutik umiarsualivinulli amerlanerusunut tulattarfeqalissallutik.
Allannguutit Islandimiut umiarsuaatileqatigiiffiat Eimskip suleqatigalugu suliarineqarnissapput, Eimskip Aarhusimi pingaarnertut tulattarfeqaramik.
Aarhusimut nassiussanik assartuinerup ajornannginnerulernisaa pilersaarutaavoq, Royal Arctic Linellu nalunaarutaa naapertorlugu akikinnerulissaaq tassaniippummi nunanut assigiingitsunut attaveqaatit.
Roayl Arctic Linep siulersuisuni siulittaasup Kuno Fenckerip oqarnera naapertorlugu niuerfiusinnaasunik nutaanik ammasseqataasinnnaavoq.
- Umiarsuit Aarhusimukartalerpata, Kalaallit Nunaata avammut niuernikkut pingaarnerusutut attaveqaataanut toqqaannartumik isumaqatiginninniarsinnaaneranut periarfissaanut iluaqutaassapput.
Aalborgip umiasualiviani sulisut suliatik unitsippaat
Royal Arctic Linep Aalborgimi sulisui ullaap tungaani sulinertik unitsippaat
Tamanna Royal Arctic Line-p Aalborgimi sulisuisa aqutsisuanit Brian Nielsenimit taanna DR Nordjyllandimi apersorneqarluni taama uppernarsaaavoq.
Aalborgip sulisut pakatsissutigaat, Kalaallit Nunaanni RAL-imi aqutsisut aalajangersimammassuk Aalborgimi umiarsualivik pingaarnertut atorunnaarlugu Aarhusimut nuunneqassasoq taamalu aalajangertoqartoq sulisut ilisimateqqaarnagit. Sulianut tunngasut pillugit aqagu ullaakkut arfineq marlunut ataatsimiittoqassasoq nalunaarutigineqarpoq.
