Aatsitassanik Ilinniarfik ilinniarsimasut siulliit allagartartaartippaat
Ilinniagaq ukiunik sisamanik sivisussuseqarpoq. Atuagarsornerit ukiunik marlunnik sivisussuseqarput, ukiullu marluk suliffeqarfimmi imaluunniit qaartiterisarfimmi ilinniartuusoqartarluni.
Aatsitassalerinermik ilinniarfik Sisimiuniittoq, aatsitassanik piaaffiit marluk qanimut suleqatigai, tassaallutillu North American Nicel aamma Hudson, Maniitsup eqqaani piiaaffeqartoq, kiisalu True North Gems Qeqertarsuatsiaat eqqaani rubinisiorfik.
Aamma atuaruk Rubinisiorfik laboratoriami sulisussanut aqqutissiuivoq
Aatsitassalerinermik Ilinniarfimmi ilinniakkaminnik naammasisut soraarummeermata, censorinik avataaneersunik aamma siunnersortinik Norgimeersunik aggersitsipput, Aatsitassalerinik Ilinniarfimmi ilinniartitsisutigineqartut Norgemi pissutsit assigalugit ilinniartitsissutigineqartarmata.
Ilinniartut ilinniartuunerminni maskiinat entreprenørini atorneqartartut angisuut atorneqarnerini isumannaallisaaneq, Kalaallit Nunaanni pissutsit, kiisalu sanaartugassanik suliaqarnermi qaartiterisarnerminilu sulinerit aamma ilinniarlugit.
Aamma atuaruk Norgep avannaani Kalaallit Nunaata kissaataa piviusunngortinneqarpoq
Aatsitassalerinermik ilinniarfimmi piginnaanngorsarluni pikkorissartitsinerit katillugit 1071-it pikkorissartinneqarsimapput, ilinniartunillu nutaanik aasaanerani atuanngiffeqarneq qaangiuppat suli inissaqartoq, ilinniarfik tusagassiuutinut nalunaaruteqarluni taama allaaserisaqarpoq.
