Qullissani illu ikuallattoq: Inuk ataaseq ikuallagussaasimassangatinneqarpoq

Aatsitassarsiorfiusimasumi Qullissani ikuallattoqarsimaneranik politiit maanna misissuileruttorput. Qaasuitsup politiivisa tamanna uppernarsarpaat.
Allattoq Mads Pedersen
juulip 10-at 2017 09:20
Nutserisoq Connie Fontain

Qullissat matuneqarneranit ukiut 45-nngortorsiutigineqarnerata malunnartinneqarnera alianartumik inuup ataatsip ajunaarneranik kinguneqarpoq.

Qullissani illu unnuami arfininngormat sapaatillu akornanni ikuallammat inuk ataaseq politiinit ikuallagussaasimassangatinneqarpoq. Taamaammat politiit pisumik paasiniaalerput.

- Takunnittut nassuiaataat tunuliaqutaralugit inuk ataaseq ikuallagussaasimassangatipparput. Politiit sumiiffimmi nakkutiginnipput ikuallattunillu misissuisartut Danmarkimeersut ikuallassimasumik misissueqqullugit aggersarneqarput, Qaasuitsup politiivisa ingerlatsinermut aqutsisuat, Sebastian Bech KNR-imut oqarpoq.

Innuttaasut ungalulersorsimasumit qimagusimaqqullugit sulinertillu ataqqeqqullugu, politiit kissaatigaat.

Ajunaarsorineqartumut ilaqutaasut pisoq ilisimavaat. 

AAMMA ATUARUK Qullissanit qimagutsitaanikuuneq misigisanik nuannersunik taarseneqassaaq

 

AAMMA ATUARUK Selvfølgelig vil jeg altid huske Qullissat

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq