Lars-Emil: Qujaukitsoq siulittaasussatut piukkunnarpoq
Siumut aasaru ataatsimeersuassaaq, tassumalu kingorna kina siulittaasuussanersoq paasinarsiumaarpoq. Lars-Emil Johansen, 1991-imi partiimi siulittaasutut qinerneqarnikoq, isumaqarpoq siulittaasunngorniuunnerup ammasumik pinissaa partiimut pitsaasuussoq.
- Partii nukittunerulertarpoq (...) Inuinnaat naalakkersuisooqataanikkut aqutsisussanik taasineranni Siumut innarlerneqarnavianngilaq, Lars-Emil Johansen KNR-imut oqarpoq.
Taassuma suliani assigiinngitsuni Vittus Qujaukitsoq tamanut ammasumik tapersertarnikuuaa, Kim Kielsenilu sakkortuumik isornartorsiortarnikuullugu.
AAMMA ATUARUK Kielsen aamma Lars-Emil assortuupput
AAMMA ATUARUK Lars-Emili avissaartuutsitsivoq
Lars-Emil Johansenilli kina siulittaasutut aasaru qinissanerlugu oqaatiginianngikkallarpaa, allanik siulittaasussatut sassartoqassanersoq takoqqaarusukkamiuk.
AAMMA ATUARUK Lars-Emilip partiimi siulittaasua isornartorsiorpaa
Naalakkersuisuujunnaartorli nersualaarpaa:
- Vittus Naalakkersuisuni sulilluarnikuuvoq, pikkorissuuvoq malunnaateqarlunilu. Ilaasortaajunnaarnera uggornarpoq.
Lars-Emil Johansenip folketingimi ilaasortaanermini Vittus Qujakitsoq atorfilittarinikuuaa.
- Vittus suliumatuujuvoq peqqissaartoq. Pilersaarusiullaqqissuuvoq, taamaammat pilersaaruteqarnera tupaallaatiginngilara.
Qujaukitsup siulittaasunngorniarnissaanik kaammattornikuuiuk?
- Vittus tunuarmalli oqaloqatiginikuunngilara.
AAMMA ATUARUK Lars-Emilip Qujaukitsoq nersoraa
Tunuannginnerani siulittaasuunissaq pillugu oqaloqatigaajuk?
- Sassarnissamut tikilluaqqusaasoq oqarfiginikuuara. Piukkunnartuuvoq.
Massakkut siulittaasuusoq naammaginannginnami?
- Partii aasamut ataatsimeersuassaaq siulittaasussamillu qinersisoqassalluni, Lars-Emil Johansen oqarpoq, namminerlu sassarniarnani naqissuserlugu.
Johansen 2014-imi Siumumi siulittaasussatut sassaraluarpoq, Kim Kielsenili qinerneqarnerulluni.