Qoorortoorsorluni tikaagullinniarneq unitsinneqarpoq
Allattoq Mads Lynge
Nunatta kitaanut qoorortoorsorluni tikaagullittassiissutigineqarsimasut 39-t tamarmik pisarineqarsimalermata, qoorortoorsorluni kitaani tikaagullinniarneq ullumi nalunaaqutaq ulloqeqqarluinnartoq unitsinneqarpoq.
Ullumi ulloq ilanngullugu pisaqarnermik nalunaarutit tiguneqarsimasut tunngavigalugit taama aalajangiisoqartoq, aalisarnermut, piniarnermullu pisortaqarfimmi allaffimmi pisortaq Ole Heinrich tusagassiutinut allappoq.
Qamutilissorluni tikaagullittassat suli 26-nik sinneqartut pisortaqarfiup aamma nalunaarutigaa.