Qooqqut Festival 2023 aallartingajalerpoq
Katuap qulingiluassaat ilaqutariinnut pikialaartitsinertik Qooqqut Festival ingerlassavaat, tassani ataatsimooqatigiinneq, piorsarsimassuseq pinngortitarlu pingaarnertut sammineqartarput.
Pikialaartitsinermi tassani kalaallit kulturitsinni kingornussavut ileqquliussallu nutaat ukkatarineqartarput. Nuka Alice Lund tivasoq Kulluk Helmsilu uaajeertoq ilaatigut takusinnaavatit, aammattaaq ulluni taakkunani marlunni appisimaartussat arlaqarput.
Qitimmik nipilersornermillu aliikkusersuisoqarnerata saniatigut Inge Olsvig Brandt oqaluttuanik oqaluttuaassaaq aamma meeqqanut workshoppertitsisoqassaaq.
Festivali ingerlanneqartartoq inunnillu asimi katerisimaartitsisartoq 2015-imili aaqqissuussatigut iluatsilluartarpoq. Festivalip piorsarsimassutsikkut pisuussutivut, asimiittariaaserput eqqumiitsuliornerlu ataatsimoortittarpai.
Festivalimilu aatsaavissuaq ukiuni marlussunni tulliuttuni pingaarnertut sammisassai tassaapput kalaallit oqaluttuatoqqavut pileqqaarnermillu oqaluttuaativut ukkatarineqassapput. Ukioq manna suliniut tamanna Kaassassuk iliarsuk sammisaralugu aallartinneqassaaq, oqaluttuatoqaq malillugu Kaassassuk najukkamini immikkoortinneqarpoq, taannalu pissaap inuanit nakuarsuanngortinneqarpoq.
