NALUNAARUSIAQ Folketingimut ilaasortaatitta kisitsisit nutaat tupaallaatiginngilaat
Nalunaarusiami qulaarneqarpoq kalaallit Danmarkimiittut pingaaruteqartuni assigiinngitsorpassuarni ajornartorsiuteqartartut - soorlu suliffissaaleqillutik, ilinniagaqaratik, iluamillu isertitaqaratik inuusarlutik allaallu najugassaaleqisarlutik.
Taakkunani tamani kalaallit Danmarkimiittut danskinit ajornerusumik inissisimasarput.
Siumup Folketingimut ilaasortaatitaanut, Aleqa Hammondimut tamanna tupaallannanngilaq.
- Ukiorpassuarni eqqoriarsinnaareeratsigu inerniliussanut tupaallanngilanga.
Nalunaarusiarli ajornartorsiutinik aaqqiiniarnissamut atorluarsinaasoraa, aaqiiniarnerlu Danmarkimi Kalaallit Nunaannilu sulissutigineqassasoq isumaqarluni.
AAMMA ATUARUK NALUNAARUSIAQ Kalaallit Danmarkimiittut inooqataaniarnermikkut ajornartorsioqaat
Inuit Ataqatigiillu folketingemut ilaasortaatitaata, Aaja Chemnitz Larsenip, aamma kisitsisit tupaallaatiginngilai, isumaqarporlu maanngangaaq iliuuseqartoqartariaqartoq:
- Sukkasuumik iliuuseqartoqartariaqartoq kisitsisit takutippaat. Takusinnaavarpummi tikeqqammernermi arlaannik ajutooraanni inuiaqatigiinni inuuniarnermi nakkaattoqarsinnaasoq. Taamaattumik ingerlaannaq iliuuseqarluni pitsaasumillu akuutitsilluni pingaartorujorujussuusoq.
