Isle Hessner.Assi: Kommuneqarfik Sermersooq

Qiperugaq piniartut nuliaannut nersorinnissut

Eqqumiitsuliarsuaq qiperugaq taaguutilik, 'Piniartut nuliaannut nersorinnissut', eqqumiitsuliortumit Isle Hessnerimit suliarineqartoq, Ilisimatusarfiup Pinngortitaleriuffiullu eqqaanut napparneqarsimasoq, sisamanngorpat siullermeerlugu kikkunut tamanut takuteqqaarneqarluni uleerneqassaaq.

Eqqumiitsuliortup Isle Hessnerip Tunu aamma Kitaa qiperukkamini akuleriisippai. Piniartut nuliaasa sulinerminni sakkuata, ulup, sineriammit sineriammut allanngorartuunera, Isle Hessnerip ersersillugu. Eqqumiitsuliortup taamaaliornermini Nunatta kitaa kangialu, tassa Tunu ataatsimoortutullusooq ersersinniarpai.

Eqqumiitsuliaq 'Piniartut nuliaannut nersorinnissut', sisamanngorpat tassa aqagu ullaatungaa qulinut uleerneqassaaq, kikkullu piumasut tamarmik uleersinermut tikilluaqqusaasut, Kommuneqarfik Sermersooq taama nalunaaruteqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl