Pinerluttunik Isumaginnittoqarfik: Qinnuteqartut katsorsaasinnaanissaat isumalluarfigaarput
Taassuma Nuummi pineqaatissinneqarsimasunut inissiisarfissami tarnimikkut napparsimasunut katsorsaasinnaasunik pissarsiortoqarnissaa apeqquserpaa.
Pinerluttunik isumaginnittoqarfiup pisortaata qinnuteqartut amigaatigissannganngilai.
- Pinerluuteqarsimasunut inissiisarfimmi, nunami katsorsaasinnaasunik ilinniarsimasumik amigaateqarfiusumi katsorsaanissat kiap isumagissavai? Atugassiami Retfærdimi ilanngutassiami,”Kalaallit Nunaanni killiligaanngitsumik pineqaatissinneqarsimasut - ullumikkut siunissamilu”-mi suli saqqummersinneqanngitsumi, allaatiginnittoq, Ilisimatusarfimmi lektori phD-lu Annemette Nyborg Lauritsen apeqqusiivoq.
AAMMA ATUARUK Pinerluttunut inissiisarfittaassap pisortaa atorfinitsinneqarpoq
Taassuma apeqquteqarnera Eqqartuussissuserisut sulisussanik pisariaqartunik atorfinitsitsiniarnermik ”ajornakusuungaatsiartoqarnissaanik” naatsorsuisut, 2016-imi nalunaarusiaannit aallaaveqarpoq.
Lauritsenip Eqqartuussissuserisullu siunnersuisoqatigiivisa napparsimmaveqarfiit tarnip pissusianik ilisimasalinnik tarnikkullu napparsimasunut nakorsanik atorfinitsitsiniarnerat nalinginnaasumik ajornakusoortoq maluginiarpaat.
Pinerluttunilli isumaginnittoqarfiup pisortaa taama ernumatiginngilaq.
- Neriuuteqarluarniarlunga aalajangerpunga, Naaja Nathanielsen oqarpoq, ilanngullugu oqaatigaa katsorsaasartussat tassaassasut tarnimikkut napparsimasunut nakorsaq, tarnip pissusianik ilisimasallit marluk peqqississaasorlu ataaseq.
Tamannalu uitsatigineqartoq, Naaja Nathanielsen oqarpoq.
AAMMA ATUARUK Permagreen akiligassinneqartussanngorpoq
Pinerluuteqarsimasunut inissiisarfissaq suliffigissallugu pissannganartuussasoq pisortap nassuiaatigaa. Suliassat napparsimmaveqarfinnit allanit nalunnginneqartunit allaanerusussaanerat, ilaatigut pinerluuteqarsimasunut inissiisarfinniittut ilisarisimanerat pissutaasoq taassuma erseqqissaatigaa.
Uanilu suliffissat piffissaat ilaqutariinnut tulluarnerunerarpai.
- Taamaammat qinnuteqartoqarnissarput ilimagaara. Tamatumanilu atorfissat assigiinngitsut tamarmik pillugit apersuiffigineqartarnerput ilaatigut tunngavigaara.
AAMMA ATUARUK Forvaringsdømte skal kunne fortryde flytning til Nuuk
Killiligaanngitsumik pineqaatissinneqarsimasut Herstedvesterimiittut nunatsinnut aallarnissaminnut qanigisaminnillu tikeraarneqarnissaminnut piffissamut maannamut akiliunneqartaraluarput. Neqeroorutit taakku pineqaatissinneqarsimasunut Nuummut nuunniarlutik aalajangertunut atuutiinnarnissaat Naaja Nathanielsenip naatsorsuutigaa. Danmarkimiiginnarnissaminnullu aalajangertunut atuutissanngilaq.
