Pinerluttunut inissiisarfittaassap pisortaa atorfinitsinneqarpoq
Pinerluuteqarsimasunut Nuummi matoqqasumik inissiisarfittaassami pisortanngortussaq maanna toqqarneqarpoq, toqqarneqartorlu tassaavoq Tina Dam, Kommuneqarfik Sermersuumi maannamut fagchefiusoq.
Allattoq Mads Lynge
juunip 01-at 2018 09:32
Tina Dam pinerluuteqarsimasunut matoqqasumik inissiisarfittaassami ukioq manna juulip aallaqqaataani atuutilersussamik atorfinippoq.
Pinerluttunik Isumaginnittoqarfiup pisortaa Naaja Hjelholt Nathanielsen, Tina Damip pisortatut atorfinitsinneqarnera pillugu ima oqarpoq:
- Tinap ilisimasaasa misilittagaasalu atorluarneqarnissaat qilanaaraarput. Suliffeqarfimmi pitsaasumik atugaqarnissaq pillugu suliassaq annertuvoq, najoqqutassallu ersarissut suliniutigerusuppavut, Tina Damillu pilersaarusiornermut ineriartortitsinermullu tunngasunut ilisimasai atorluarneqarsinnaapput, Pinerluttunut Isumaginnittoqarfiup pisortaa Naaja Hjelholt Nathanielsen oqarpoq.