Permagreen akiligassinneqartussanngorpoq
Nuummi parnaarussivissaq aasamut naammassineqartussaagaluartoq kinguaattoormat sanaartortut Permagreen ullormut akiliisitaasalissapput. Aviisi AG taama allaaserisaqarpoq.
![](/sites/default/files/styles/image_934x467/public/anstalt.jpg?itok=XR6gORPN)
![](/sites/default/files/styles/image_934x467/public/anstalt1.jpg?itok=7i9R3wrq)
Allattoq Jonas Fievé
Pilersaarutit malillugit matoqqasumik parnaarussivissaq, pinerluuteqarsimasunut isumannaallisakkamik immikkoortortaqartoq, nunatsinni Pinerluttunik isumaginnittoqarfimmut ukiormanna aasami tunniunneqartussaagaluarpoq, parnaarussivissarli aatsaat aappaagu naammassineqassammat sanaartortut
Permagreenimeersut kinguaattoornermut atatillugu ullormut akiliisitaasalertussanngorput.
Qanorli amerlatigisunik akiliisitsoqartassanersoq pillugu paasissutissat pissarsiarineqarsinnaasimanngitsut, AG aamma allaaserisaqarpoq
Sulisussat amigaatigineqarnerat pissutigalugu kinguaattoortoqartoq siusinnerusukkut oqaatigineqartareerpoq.