VIDEO Qinigassanngortittut quumik misissortinnissaa ajoriffissaqartinngilaat

Qineqqusaartitsinermi kingullermi Narsami pisumi qinersisartut ilaata apeqqutigaa Inatsisartunut qinigassanngortittussat ikiaroortartuunnginnissaat qulakkeerniarlugu quuminnik misissuiffigitinneqarnissaat isumaqataaffigineqarnersoq.

Partiillu tamarmik tamatumunnga isumaqataallutik oqaaseqarput:

 

Apeqqut qaqinneqartoq Atassummi eqqartoreersimagaat

- Atassummit isumaqarpugut ikiaroornartoq akuerisinnaanagu, taamaammat aamma eqqartorparput Inatsisartunut ilaasortanngorumaartussat misissorneqassasut, Anders L. Christiansen, Atassut sinnerlugu qinigassanngortittoq taama oqarpoq.

 

- Isumaqarpunga pissusissamisuuginnassasoq Inatsisartunut iserutta taamatut misissorneqarsinnaasariaqarluta, Piitannguaq Alaufsen, Partii Inuit sinnerlugit qinigassanngortittoq taama oqarpoq.

 

- Inatsisineereerpoq, ikiaroornartoq inerteqqutaavoq aamma anngiortumik eqqussuunneqaqqusaanngilaq. Uagut aamma Partii Naleqqamit ajorinngilarput Inatsisartunut isissagutta quisinneqarnissatsinnut. Piareeqqavugut querusuttorujussuullutalu, Partii Naleraq sinnerlugu qinigassanngortittoq Jens Peter Mølgaard taama oqarpoq.

 

Politikerit maligassiuisussaapput

- Soorunami uagut politikerit nunap aquttuatut maligassiuisussaavugut innuttaasunut. Taamaattumik quikuttuussugut, Nivi Olsen Demokraatit sinnerlugit qinigassanngortittoq taama oqarpoq.

 

-  Unioqqutitsinerit pillugit qinerseqqippugut aamma unioqqutitsilluta naalakkersueqqissanngilagut. Aap quikuttoorumaarpugut, Siumut sinnerlugu qinigassanngortittoq Gedion Lyberth taama oqarpoq.

 

Inuiaqatigiinni aningaasat ikinnerpaamik ukiumut 500 millionit nunatsinnit qernertumik aniapput. Aningaasat pisariaqarteqaagut, unitsinneqassappata maligassiuisariaqarpugut. Uagut aamma quiumaarpugut, Kelly Berthelsen Inuit Ataqatigiit qinigassanngortitaat taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat