Taasinermi aqutsisoq: Qinersivik ammarluarneqarpoq
Frederik Lundblad Nuummi qinersivimmik ammaasuuvoq taasiartortunillu tikilluaqqusisuulluni:
- Aatsaat siullermik ammaagama alutornarpoq nuannerlunilu. Qinersiartortut ammaanermut takkuttut taama amerlatigimmata taanna aamma nuannaarutigaara, Frederik Lundblad oqarpoq.
Qinersivillu matunissaata tungaanut, tassa unnugu arfineq-pingasut tungaannut, suliassarpassuaqarpoq.
AAMMA ATUARUK Inatsisartunut ullumikkut qinersisoqartussaavoq
- Qulakkiissallugu qinersineq pissusissamisut ingerlassasoq, kaaviiaarluartumik qinersisoqarluarluni inatsisillu malillugit maani pisoqarnissaa.
Taassuma kingorna suliassat nutaat takkuttussaapput: Kisitseqataanissaq.
- Neriuutigaaralu matoriarpat kisitsinerit pitsaasumik, immaqa aamma sukkalaartumik, naammassineqarumaartut, Nuummi taasinermi aqutsisoq Frederik Lundblad oqarpoq.