Qinersiviit 72-it tamarmik maanna matusut
Nunatsinni qinersiviit 72-it aamma Nuummi qinersivik maanna matupput.
Qinersinermi ataatsimiititaliami aqutsisoq, Klaus Georg Hansen KNR-imut taama paasissutissiivoq.
Qinersiviit 71-it pilersaarut malillugu nalunaaqutaq 20.00 matupput. Taamaallaat Nuummi qinersivik nalunaaqutap arfineq-pingasut siorna siuleriaattut amerlanerat pissutigalugu nalunaaqutaq 21.00-ip tungaanut ammatinneqarpoq.
AAMMA ATUARUK Nuummi qinersivik: Suli akunneq ataaseq ammaannarallassaagut
Corona pillug malittarisassat pissutigalugit illup iluani inuit amerlanerpaamik 100-t katersuussinnaatitaapput. Qinersivimmili Nuummi Inussivimmi timersortarfimmi ininut assigiinngitsunut agguataarsimasunut inuit 500-t tikillugit isersimasinnaatitaapput.
Qinersiartortut tamarmik isaariap eqqaani anersaartuutinut illersuummik neqeroorfigineqarput, aqerluusarlu qinersinermi atugartik angerlaassinnaatitaavaat, isaariallu eqqaani assanut tunillannartuiaammik aamma peqarluni.
Nunatsinni coronamik tunillatsissimasumik qaammat ataaseq uppernarsaasoqarsimanngilaq. Tunillatsissimasut katillugit 31-t uppernarsarneqarnikuupput.