Tamaat isigalugu: Qinersinermi ajugaasut ajorsartullu

Partiit anginerit marluk ikinnerusunit taaguunneqaraluartut pissaaneq suli Siumumiippoq. Marlunngornermi qinersisoqarnerani ajugaasoq taassavoq Randi Vestergaard Evaldsen partiialu Demokraatit, qinersinerni tulleriinni annertuumik siuariaateqartoq.

Demokraatit sassartitaat Niels Thomsen partitaat 2700-t sinnerlugit taaguunneqarpoq, taakkulu partiip siulittaasuata Randi Vestergaard Evaldsenip taaguunneqarnerata tallimariaatingajarai. 

Partiit nutaat marluk tamarmik immikkut ataatsimik ilaasortaatitaqalernertik nuannaarutigisinnaavaat. Suleqatigiissitsisuni siulittaasoq qaangiinnarlugu Tillie Martinussen ilaasortanngussaaq, Nuummilu taasinerit tamarmiusut 10 procentii sinnerlugit pissarsiaqarnertik nuannaarutigisinnaavaat.  

Nunatta Qitornaani siulittaasoq Vittus Qujaukitsoq Inatsisartuni ilaasortanngussaaq. Maanna Folketingimut ilassortaasoq siornatigullu taaguulluarneqartarrtoq Aleqa Hammond, arlalinnit taaguunneqarluartussatut oqaatigineqaraluartoq, 150-it sinnilaaginnarlugit taaguunneqarpoq.  

LÆS OGSÅ Olsvig anerkender Siumut-sejr

Partii Naleraq 14 procentinik siuariaateqarpoq partiilu siulittaasua Hans Enoksen 2531-nik taaguunneqarpoq. 

Inatsisartuni partiit pisoqaanerit ilaat, Atassut, ilaasortaatitaqaqqilertussanngorpoq. Taasinerit 6 procentiisa missaat partiip pissarsiarai ilaasortaatitassaalu ataasiussanersoq marluussanersulluunniit pissanganassaaq.

Tamaammat oqartoqarsinnaavoq partiit anginerit marluk malunnaatilimmik kinguariaateqartuupput.

LÆS OGSÅ Siverth K. Heilmann blev topscorer i Maniitsoq

Inuit Ataqatigiit 33 procentinit 25 procentinut kinguariarpoq siulittaasullu Sara Olsvigip qinersisartui 2014-imut naleqqiullugit affaannanngorsimapput. Taamaattorli Nuummi taaguunneqarnerpaavoq. 

Siumut 7 procentpointinik kinguariaateqarpoq, Inuit Ataqatigiinniilli 500 ataatilaarlugit amerlanerusunik qinerneqarsimanini naalakkersuisunngortitsiniarnermilu siuttuunissani aammalu naalakkersuisooqatigiinnik pilersitsillutik naalakkersuisuni siulittaasuuffiup pissarsiarisinnaanissaa nuannaarutigisinnavaa.

LÆS OGSÅ Kim Kielsen og Siumut scorer færre stemmer i Paamiut

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat