Siverth K. Heilmann Maniitsumi taaguunneqarnerpaasoq

Atassutip siulittaasua, aamma siornatigut Maniitsumi borgmesteriusimasoq, marlunngornermi qinersisoqarnerani 205-init taaguunneqarpoq. 2014-imi qinersinermut naleqqiullugu 49-nik amerlanerupput, taamanilu Atassummi ilaaasortaannartut sassarpoq.

Kingornali Knud Kristiansen taarserlugu siulittaasunngorpoq. Partiillu napparteqqinniarnissaanik suliassaq angisooq Heilmannip tiguaa, partiimmi qinigaaffimmi qaangiuttumi Inatsisartuni ilaasortaatitani marluk annaavai, Knud Kristiansen kingornalu aamma Mala Høy Kuko Siumumut nuummata.

Nalunaaqutaq 23.45 taasinerit katillugit 21.000-it kisinneqareerput, partiillu taasinerit 5,7 procentii pissarsiarisussanngorpasippaat, taamatullu angusaqarneq partiip attatiinnassaguniuk ikinnerpaamik ataatsimik ilaasortaatitaqalissaaq.

AAMMA ATUARUK Hans Enoksen nunaqarfigisimasamini ikinnerusunit qinerneqartoq

AAMMA ATUARUK Demokraatit qinersinermi iluatsitserujussuarniarpasittut