Qinersineq soqutigineqarpianngilaq

Nuna tamakkerlugu qinersisartut 10,7 procentii qinersiartorsimapput. Tassalu Ikaarsariarnermut ataatsimiititalianut 2008-mi qinersinermut  sanilliukkaanni appariarneruvoq malunnarluartoq, 2008-mi qinersinermi qinersisartut 15,8 procentii nalunaaqutaq aqqanermut qinersiartoreersimammata.

Nunarput tamakkerlugu illoqarfinni qinersiviit nalunaaqutaq aqqanernut paasiniaavigisagut amerlanerit ikileriaateqarsimanerannik nalunaaarput. 

Qinersiartortut procentii najoqqutaralugit Nuummi nalubnaaqutaq aqqanermut qinersiartortut ikinnerpaapput, qinersisartut 6,4 procentii qinsersiartorsimagami. Ikaarsiaariarnermi ataatsimiititalianut 2008-mi qinersinermi Nuummi qinersisartut nalunaaqutaq aqqarnermut aamma taama amerlatigigajatut qinerrsiartorsimapput, taamani 6,5 procentii qinersiartorsimagamik.

Qinersiartortut procentii napertorlugit nalunaaqutaq aaqanermut qinersiartortuni Narsaq qinersiartortoqarnerpaavoq, qinersisartut 19, 4 procentii qinersiartoreersimammata.

Qinersisoqarnerpaani Nanortalik tullersortavoq, nalunaaqutaq aqqanermut qinersisartut 18, 4 procentii qinersiartoreersimagamik.

Appariarnerinnarsouunngilarlui.

Tassami Aasiaat qinersiviannut ullumi nalunaaqutaq aqqanermut qinersiartortut 2008-mi qinersiartortunut sanilliullugit amerlaneroqaat.

2008-mi qinersinermi nalunaaqutaq aqqanernut 4,8 procentit qinersisimasut, ukioq manna nalunaaqutaq aqqanernut qinersiartortut 11,1 procentii qinersiartorsimapput, tassaluu  siuariarneq procentinngorlugu 6,3.