Qineqqusaarneq aallartereerpoq

Inatsisartunut qineqqusaarneq Tunumi aallartereerpoq. Tamanna pivoq Tasiilami ippassaq unnukkut. Tassani partiit tamarmik aallartitaat peqataallutik.
oktobarip 20-at 2014 16:24

Inatsisartunut qinersinissaq tusarliunneqaannartoq, Inuit Ataqatigiit pilersaarusiorput, qineqqusaarnermi illoqarfiit KNR-imit tikinneqanngitsut tikinneqassasut. Tamannalu iluatsilluartoq, Inuit Aqatatigiit siulittaasuata, Sara Olsvigip oqaatigaa.

 

- Qujanartumik Partiit tamakkerlutik suleqataapput, aammalu illoqarfiit KNR-ip aallakaatitsiffigisussaanngisai arlallit tikittussanngorpagut.

- Massakkullu Tasiilamiippugut, partiit tamakkerlutik maani sinniisoqarlutik ippassaq qineqqusaarput. Illoqarfiillu allat aamma tikinneqartussaassasut, Sara Olsvig oqarpoq.

 

Tunumi qinersisarsartunik ippassaq ataatsimiitsitsinermi Nunatta naalakkersueriaatsikkut ingerlanneqarnera eqqartorneqarnerusoq, Sara Olsvigip oqaatigaa.

 

- Soorunami aamma Tasiilami eqqaamiuinilu ineriartortitsinermut tunngasuupput maaniikkatta. Kisianni nunatta naalakkersuinikkut ingerlanneqarnera annertuumik sammineqarpoq.

- Isumaqarpunga partiit tamakkerlutik peqataanerat, taanna nuannequtaasoq, aamma oqallinneq ajunngitsumik ileqqorissaartumillu ingerlaneqarmat assut nuannaarpunga, Inuit Ataqatigiit siulittaasuat, Sara Olsvig, KNR-imut taama oqarpoq.