Qimuttuitsut unittarfiat nunarsuarmi akisunerpaaq
Qimuttuitsut unittarfiat nutaarsiassaqartitsivik AFP naapertorlugu angallaffiit naapiffigilerpaat, taamaattumillu pisuinnaat World Trade Centerip napasuliaanut nutaanut isersinnaatillugit. Qimuttuitsut unittarfiat niuertarfeqarluni aamma neriniartarfeqarpoq.
Illuliassanik titartaasartup, spaniamiup schweizimit kingoqqisup Santiago Calatravap, Oculusitut ilisimaneqartup qimuttuitsut unittarfiat ilusilersorpaa.Taassumalu aamma illorsuaq alutornartoq Turning Torso Malmømi Sverigemiittoq ilusilersugaralugu.
Qimuttuitsoqarfiup suliarinera ukiunik aqqaneq marlunnik sivisussuseqarpoq, piffissaliussarisamiillu ukiunik arfineq marlunnik sivisunerulluni. Aningaasat atugassatut missingersuutit qangali qaangerneqareernikuupput taamaalillunilu qimuttuitsut unittarfiini akisunerpaanngorluni.
/RITZAU/