Qimussersuaaranngortup ajugaanissani ilimagereersimavaa
![](/sites/default/files/styles/image_934x467/public/2024-03/Mike%20Samuelsen%20vinder%20af%20b%C3%B8rnenes%20l%C3%B8b.jpg?itok=hhxl19Nj)
Ileqqoq nuannarineqarluartoq tassa meeqqat qimussimik sukkaniunnerat, Avannaata Qimussersuaaranngorniuunneq ippassq ingerlanneqarpoq.
Aallarnerminiilli suittooreerluni Mike Samuelsen ajugaavoq, ingerlaarfik 7 kilometeriusoq minutsit 14-it sinnilaarlugit ingerlaarfigereerlugu siullerpaajulluni apuuppoq.
Taassumali ajugaaniini tupaallaatiginngikkaa, KNR-ip Ilulissani malinnaatitaa Gaaba Olsen oqaluttuarpoq. Mike Samuelsenimi qimussinik sukkaniunnermi ajugaasareerpoq, siullerpaamilli Avannaata Qimussersuaaranngorniunnermi peqataavoq.
- Siullerpaamik ajugaalinngilanga, ajugaanisssaralu ilimagereerpara, Mike Samuelsen oqarpoq.
![](/sites/default/files/styles/image_934x467/public/2024-03/Qanorooq%2014.03.2024%20Still_0.jpg?itok=enPg8Rlo)
Ippassarlu Qimussersuaaranngornissami tungaanut Mike Samuelsen angunnilu sungiusangaatsiarsimapput. Ajugaasut Sermermiuni akissarsisinneqanngitsiarnerani Mike Samuelsenip angutaa Ole Hammond ima oqarpoq:
- Sukkaniunnissap qalliartornerani sungiusaavugut aamma pimoorussilaarnikuuvugut. Qimussernermi pingaartinngikkaanni angusaqarluarfissaanngilaq taamaammat pingaaruteqarpoq.
Unammisani kingumut qiviallattaavai
Mike Samuelsenillu qimussersuaaranngornini nuannaarutigeqaa;
- Ajugaalluni nuannerpoq, taanna oqarpoq.
Sukkaniunnermilu siuttuugaluarluni unammisani kingumut qiviallattaavai.
- Ingerlaarluarpunga kingumulli qiviallattaavunga, Mike Samuelsen ippassaq unnukkut taama oqarpoq.
Ernermilu ajugaanissaa Ole Hammondip aamma ilimagereersimavaa:
- Nuannaarpunga assut ullumi, aamma ilimagilaarsimavara ernitta taama angusaqarnissaa, ataataasoq tulluusimaarluni KNR-imut taama oqarpoq.
Ernermi qimussernermik ingerlatitseqqiinera qanoq misinnarnersoq aperineqarami, tulliisimaarnera aamma ersarippoq.
- Ajunngeqaaq ingerlatitseqqiinera, nuannaaqaagut unnuullu sinnera nuannaarluta atussavarput, Ole Hammond qungujulluni naggasiivoq.
![](/sites/default/files/styles/image_934x467/public/oembed_thumbnails/1710512037/Xd6L4ZnsqDk.jpg?itok=brmU6Cnh)