Naajaat Qimmit qimuttut nappaammik tuniluuttumik takussutissaqartut
Paasissutissat taakkua aallavigalugit Uumasunut Nakorsaqarfik Inuussutissalerinermullu Oqartussaqarfik naliliiivoq, nappaammik siammaasinnaaneq aarlerinarsisoq pisorlu pillugu qanimut malinnaasoqartoq.
Uumasunut Nakorsaqarfik Innuttaasunit paasissutissat oqartussaasullu attuumassuteqartut suleqatiginerisigut paasissutissanik sapinngisamik amerlanerpaamik pissarsiniarluni suliniuteqarpoq, pisoq pillugu ersarissumik tunngavissiiumallutik.
Qimmit pillugit nappaateqarnermik imaluunniit toqusimanerinik paasissutissanik piaartumik pissarsinissaq pisariaqartinneqarpoq.
Qimmit nappaalasut pillugit ersiutinik paasititsinissaq aamma toqusimasut pillugit ersiutaasimasinnaasunik paasissutissanik tunniussinissaq pingaaruteqartoq Uumasunut nakorsaqarfiup erseqqissaatigaa.
Naajaani innuttaasunut eqqarisaaniittunullu makkua kajumissaarutigineqassapput:
Qimmit tamarmik pitunneqassapput ungalusamulluunniit mattunneqarlutik.
Uumasut tassanngaannartumik nappaalanermik takussutissaqalertut toqunneqassapput.
Qimmiutillit taamaallaat nammineq qimmiutiminnik passussisariaqarput.
Inuit immikkut susassaqartitat kisimiillutik qimmiisivimmiissinnaatitaapput.
Pisoq pillugu isumannaarisoqarnissaata tungaanut nunamut immikkoortumut tassunga tassanngalu qimussinik qamuteralannillu motoorilikkanik angallanneq sunaluunniit pinngitsoortinneqassaaq.
Piffissami matumani nunami immikkoortumi eqqugaaffiusumi qimminik kapuisoqassanngitsoq, Uumasunut nakorsaqarfik tusagassiuutinut nalunaaruteqarluni taama allappoq.
KNR-ip nittartagaani KNR naggat GL-imi Naajaani eqqaanilu qimmiutillinnut innersuussutigineqartut iliuusissallu atuarneqarsinnaapput.
Uumasunut Nakorsaqarfiup Inuussutissalerinermullu Oqartussaqarfimmut saaffiginnittoqarsinnaavoq mailikkut uumasut@nanoq.gl imaluunnit oqarasuaammut 34 50 00.
