Qimmeq narajortartoq hashimik kalaallit kilisaataanni nassaartoq
Danmarkimi politiit hashi 4 kiilu Polar Seafoodip kilisaataani Frederikshavnimi tulanngasumi nassaaq arsaarinnissutigaat.
Toqorsivimmit assi: Hashimik 23 kiilumik kilisaammi raajarniutaasumi allami siorna juunimi nassaartoqarpoq.
Allattoq Anders Rytoft
juulip 14-at 2023 15:58
Nutserisoq Hanne Petersen
Danmarkip akitsuutinut aqutsisoqarfiata qimmia hashimik 4 kiilumik kalaallit kilisaataanni sisamanngornermi narajorluni nassaarpoq.
Danskit nutaarsiassaqartitsiviisa ilaat, Nordjyske, taama allappoq.
Politiit tamatuma kingorna Frederikshavnip umiarsualivianukaramik hashi nassaaq arsaarinnissutigaat.
Polar Seafood Sermitsiaq.AG naapertorlugu kilisaammik hashimik nassaarfigineqartumik piginnittuuvoq, kilisaallu taanna 14-inik inuttaqarpoq. Inuttat taakku tamarmik oqartussanit nalunaarsorneqarput. Taakkunanngali arlaannaalluunniit suliami tassani unnerluussaanngitsoq politiillu suliami tassani misissueqqissaaleruttortut, Nordjyske allappoq.
Politiit kilisaammeereermata, kilisaat taanna pilersaarutit malillugit nunatsinnukarluni aallarpoq.
