Qimagutitinneqartut amerlanerit suliffeqarput
- Killiffipput ullumikkumut pitsaasorujussuartut nalilersinnaavara, suleqataalluarlutillu sulerusukkamimmi aamma, Avannaata Kommuniani aqutsisoqarfimmi pisortaq Makkak Markussen oqarpoq.
Inuussutissarsiutigalugu aalisartuni 37-t aalisaqqilerput 31-illu allamik maanna suliffeqarlutik.
AAMMA ATUARUK Ataqatigiilluarunnaartut
AAMMA ATUARUK Inuussutissarsiornerput uninngavoq
- Soorlu nunaqarfimminni ilaat Pilersuisumi sulisimagunik maani illoqarfimmi aamma neqeroorfigineqarsimapput pisiniarfimmilu taakku sulipput. Ilai tunitsivimmi, angerlarsimaffimmi ikiortitut imaluunniit utoqqaat illuanni sulipput.
Inuussutissarsiutigalugu aalisartut aalisaqqilersinnissaat immikkut aporfeqarsimavoq, taakkua aalisarnermut piniarnermullu atortut assigiinngitsut annaasaat taartisaannik
tunineqarsinnaasimanngimmata.
AAMMA ATUARUK Tassaarsuup kingorna Pilersuisoq isertitaqarnerusoq
Nunatsinnit nunanillu allanit tunissutigineqartut atorlugit aalisartut 37-t atortorpassuarnik tunineqarput.
Soorlu assersuutigalugu umiatsiaaqqat, aalisarnermut atortut, qamuteralaat qamutillu pissarsiaraat.
- Piniartut aalisartullu eqqarsaatigalugit imminnut pilersulersinnaanissaat sapinngisamik piaartumik aallartinnissaa siunertaralugu suliniarneq ingerlannikuuarput, inuussutissarsiornermut pisortaq Hans Peter Lennert oqarpoq.
Nunaqarfinnit qimagutitinneqartut arfineq-pingasut ilinniartuusut, sisamat Majoriami atuarput sisamallu allat suliffeqanngillat.
Sisamat kingulliit suna peqqutigalugu suliffeqannginnersut kommunimit ilisimanngilaat.
