Qimaasut 8000-init amerlanerusut poorskip nalaani annaanneqartut

Inuit 8300-t missaat annaanneqarsimapput, arfineq-pingasullu, taakkunannga arnaq naartusoq ataaseq, ajunaarsimasut nalunaarutigineqarpoq. Carlotta Sami, FN-ip qimaasut qullersaqarfiata oqaaseqartitaa taama oqarpoq.

Inunnik anngiortumik angallassisartut, Akullersuarmi tallimanngornermit sapaat ilanngullugu anoraasannera atorluarniarsaralugu umiatsiarpassuarnik avalatsitsipput. Amerlanerit Libyamit Italialiartinneqarlutik.

Suliniaqatigiiffiup Maltameersup Moasip annaassiniartartuisa umiarsuaata Phoenixip ulikkaarluinnarsimanera, suliniaqatigiiffiup ilisimatitsissutigaa, inuit gummibådeni umiatsiaaqqanullu ilaasimasut annaanneqartariaqarsimammata.

Norgemiut umiarsuaata Siem Pilotip arfineq-marloriarluni annaassiniarnermini qimaasut 800-nit amerlanerusut annaassimavai.

Qimaasut 32.000-ingajaat Europamut ukioq manna qimaasimasut, nunat tamalaat qimaasunut suliniaqatigiiffiata nalunaarutigaa, 650-iniillu amerlanerusut ajunaarsimanngikkunik maqaasineqarlutik.