Qillaq Hermarij Avannaata Qimussersuaaraani ajugaavoq
Qillaq Hermarij Ilulissaneersoq siullersaalluni kivinneqarpoq meeqqat qimussimik sukkaniunneranni siullersaalluni apuukkami. Maliinnavillugu Ina-Ruth Eriksen Nielsen Saqqameersoq tullersortaalluni apuuppoq.
Qimussit peqataasut 13-sut tamarmik perlasinatik apuussorput kilometerit arfineq pingasut missaliorlugit ingerlaarfigereerlugit tassanilu niviarsiaqqat marluk peqataapput.
Isiginnaariat hundredet arlallit aallarfimmi apuuffimmilu Qasigiannguit illoqarfiata ungatinnguaniittumi Tasersuarmi malinnaapput.
Qillaq Hermarij aallariitsiaannarlutik siuarpoq taamaattorli siuaqqanini annaaqqajarlugu illinernut allamut ingerlasunut qimmii sanguleraluarmata. Taamaattoq qimussillaqqikkami ingerlarfissamut saqitsaalertornermigut ajunngitsumik ingerlaqqippoq.
Inersimasut sukkaniunnissarsuat Avannaata Qimussersua arfininngorpat pissaaq peqataasut ullup qeqqa aallartinneqassallutik KNR-TV-milu toqqaannartumik aallakaatitsineq ullup qeqqata qeqqa aallarteriissaaq.
Aajuku Avannaata qimussersuaaraani:
1. Qillaq Hermarij, Ilulissat, 18,16 minutter
2. Ina-Ruth Eriksen Nielsen, Saqqaq 18,24 minutter
3. Gaba Petersen, Kangaatsiaq, 19,48 minutter
4. John Jessen, Sisimiut, 19,57 minutter
5. Palu Jeremiassen, Qasigiannguit/Ikamiut, 19,58 minutter
6. Maligiaq Sandgreen Samuelsen, Qasigiannguit, 20,05 minutter
7. Salik Petersen, Sisimiut, 20,33 minutter
8. Qillaq Hansen, Ilulissat, 21,43 minutter
9. Kristian Lyberth Siegstad, Kangaatsiaq, 21,44 minutter
10. Maleraq Sandgreen Lerch, Qasigiannguit, 22,14 minutter
11. Jan Jensen, Saqqaq, 22,15 minutter
12. Zoe Thorin Nielsen, Qasigiannguit, 24,44 minutter
13. Jakob Jeremiassen, Qasigiannguit, 34,51 minutter