Qilalukkat qaqortat qernertallu pisassiissutissat Naalakkersuisunit aalajangiunneqartut

Tunumi ukiumi aallartittumi qilalugarniartoqarsinnaaqqissaaq, naak NAMMCO piaartumik piniarneqarunnaarnissaannik inassuteqaraluartoq.

Qilalukkanut qaqortanut qernertanullu 2020-mut pisassiissutit Naalakkersuisut januaarip aappaani ataatsimiinnerminni aalajangerpaat.

Tunumi Ittoqqortoormiini qilalukkat 40-t ukioq manna pisarineqarsinnaassapput, tassa siornamit qulinik ikinnerusut pisassiissutigineqarlutik.

Tunumi Kangerlussuarmut ukioq manna qilalugartassiisoqanngilaq,Tasiilalli eqqaani qulit pisassiissutigineqarlutik, taakkulu siornamit arfinilinnik ikinnerullutik.

AAMMA ATUARUK Naalakkersuisut qernertanik qilalugartassiissutit ilaqqinniarnagit nalunaareeraluarlutik ilavaat

Qilalugartassiissutit siorna arlaleriarlugit oqallisigineqartarput. Pisassiissutit ilaneqarnissaat piniartut arlaleriarlutik piumasaraat.

Inatsisartuni partiit sisamat qilalugartassiissutit ilaatigut Qaanaap eqqaani ilaneqarnissaanik piumasaqarlutik Naalakkersuisunut allagaqarput. Qilalugarniarnerup saniatigut inuussutissarsiuteqanngikkuni inuussutissarsiutit ikittuararsuusut, piniartullu ilaquttaminnut pilersuisartussaasut akiligassaqartartullu tassani tunngavilersuutigineqarpoq.

AAMMA ATUARUK Naalakkersuisut hæver narhvalskvoten I Ittoqqortoormiit

Illuatungaanili Atlantikup avannaani miluumasut imarmiut pillugit suleqatigiiffiup NAMMCO-p aqutsiveqarfinni taakkunani pingasuni qilalugarniarsinnaaneq piaartumik unitsinneqarnissaat inassutigigaluarpaat. Tunumi pisassiissutigineqartutut innersuussutigineqartut nungusaataanissaat tassani aarleqqutigineqarpoq.

Avannaani Upernaviup eqqaani qilalugartassiissutit ukioq manna 17-inik ilaneqarput Ilulissanilu 14-inik ilaneqarlutik. Uummannami qilalaugartassiissutit siornarnit 14-inik ukioq manna ikinnerupput.

Kitaani qilalugartassiissutit nikeriaateqaratik 340-t pisassiissutigineqarput.

Pisassiissutit agguataarneqarnerat uani takusinnaavatit