Qilalukkap tuugaava Danmarkimi akitsorterunneqartoq

Qilalukkap tuugaava 2,8 meteritut takitigisoq ulluni makkuni danskit akitsorterissivianni Lauritz.com-imi akitsorterneqaleruttulersoq 400.000 koruuneqartussatut nalilerneqarpoq.
Assi: Toqqorsivik/arkiv
Allattoq Helle Nørrelund Sørensen
juulip 13-at 2019 15:21

Jyllands-Posten taama allaaserisaqarpoq.

Qilalukkap tuugaavanik akitsorterussinermi aatsaat taama takitigisumik akitsorterisoqarpoq.

Tuugaaq uani takusinnaavat.

AAMMA ATUARUK Qilalugaq qaqortaq qernertarlu piarartaaqatigiittut

Juulip 12-ianni 110.000 koruuninik akilerniarneqarpoq, akiali akitsorterussinerup, juulip 18-ianni naammassinnginnerani qaffakkumaartoq naatsorsuutigineqarpoq.

- Qilalukkap tuugaava maanna akitsorterunneqartoq nalinginnaanngitsumik takissuseqarpoq, qanoq issusaalu ajunngilluinnarluni. Qilalukkat tuugaavi 3 meterinik takissuseqalersinnaapput, taamali takitigisut akitsorterunneqartarnerat qaqutigoortorujussuuvoq, Inge-Lise Berg Lauritz.com-imi naliliinermut ilisimatooq Jyllands-Postenimut oqarpoq.

AAMMA ATUARUK Aappilattumi qaqutigoortumik qilalugartoqarnera nuannatigineqartoq

Tuugaaq Ittoqqortoormiinit qilalukkamit pisarfimmit qilalugartullu suminngaanneerfianit 2004-mi pissarsiarineqarpoq. Tamatuma kingorna Danmarkimut unioqqutitsinngitsumik eqqunneqarpoq. Tamanna CITES-imit uppernarsaammi takuneqarsinnaavoq.

Qilalukkap tuugaava naannerulaartoq tassa 2,14 meterinik takissuseqartoq tuluit-amerikamiut akitsorteriviatigut Sotheby’s-ikkut 170.000 koruunilerlugu 2018-imi tunineqarpoq.

AAMMA ATUARUK Naalakkersuisut pisassiissutinik atorunnaarsitsinissaq itigartitsissutigaat

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk