Mittarfiit: Suliffeqarfiit kommunilu paasissutissanik amerlanerusunik perusuttut
Nunatsinni mittarfissanut nutaamik naliliisoqartariaqarpoq. Arctic Circle Business Councilimit Sulisitsisullu Sisimiuni immikkoortortaqarfiannit taama isumaqartut, Sermitsiaq.AG allaaserisaqarpoq.
Kangerlussuaq Lufthavn i Qeqqata Kommunia
Allattoq Jonas Fievé
maajip 28-at 2018 10:57
Nutserisoq Ivik Kristiansen
Taakku mittarfissanut aalajangiinissamut naammattumik tunngavissaqarsorinngikkitik, Inatsisartuni partiinut tamanut ammasumik allagaqarput.
- Partiit nunap ilaata siunissaanut aalajangiinnginnerminni eqqarsaqqissaaqqaarnissaat Qeqqata Kommuniani inuussutissarsiortut kaammattuutigaat, taakku allapput.
Taakku Aningaasaqanermut Siunnersuisoqatigiit allagaannut innersuussisut, Sermitsiaq.AG allappoq. Nutaanik mittarfiliornikkut pioreersulluunniit atuinnarnerisigut aningaasatigut iluaqutissat assigiinngissutaat malunnangaanngitsut siunnersuisoqatigiit allapput.
