Qeqertarsuatsiaat eqqaanni rubinisiorfik ingerlaqqissinnaanngortoq

Inuussutissarsiornermut naalakkersuisup Vittus Qujaukitsup, LNS Greenland Gemsip, borgmesterillu Asii Chemnitz Narupip Aappaluttumi rubinisiorfimmut IBA-mik isumaqatigiissut ippassaq atsioqatigiissutigaat.

- Kalaallit Nunaanni nuannaarutissaavoq, aamma LNS Greenlandip ujaqqanik pinnersaasiassanik suliassaqarfiup, Nunatsinnilu aatsitassariornermut suliassaqarfiup pitsaasup, ineriartortinnissaanut ingerlaqqissinnaanera neriulluarfigisorujussuuara, Vittus Qujaukitsoq oqarpoq.

Aamma atuaruk Rubinisiornissamut akuersissutit LNS-imut tunniunneqartut

Kommuneqarfik Sermersuumilu borgmesteri Asii Chemnitz Narup isumaqataavoq:

- Innuttaaqatinnut aammalu Kommuneqarfik Sermersuumi suliffeqarfinnut iluaqutaasumik rubinisiorfissamut tunngatillugu suleqatigiinnerup ingerlaqqinnissaa qilanaaraara. Suliffeqarfiit ingerlallualereersimasut najukkameersut, suliassap ingerlanneqalernissaanik qulakkeerisussaammata nuannaarutigisorujussuuara, Asii Chemnitz Narup oqarpoq.

LNS Greenland Gemsimi pisortap tullersortaata, Jens B. Frederiksenip, aamma oqaatigaa ingerlatsinerup sapingisamik piaarnerpaamik aallartinnissaa LNS-ip siunnerfigigaa.

Aamma atuaruk Rubinisiorfik neriulluartitsigaluartoq

Aamma atuaruk TNGG 100 millionit koruuninik amigaateqarluni akiliisinnaajunnaartoq