Avannaata Kommunia Qatserisartut pingasut taamaallaat aallartinneqassapput
- Danmarkimi upalungaarsimanermut aqutsisoqarfiup qatserisartut pingasut kisiisa maanngaanniit pisariaqartillugit nalunaarutigaa, taamaammat illoqarfinnit tamanit tassa Upernavimmit, Uummannamit Ilulissaniillu qatserisartut pingasut maanna Danmarkiliartinneqalerput.
Danmarkimut tallimanngorpat ullaakkut tikissapput Sverigemilu aggustip tallimaata tungaanut ikiuutissallutik, upalungaarsimasut pisortarigallagaat, Amos Pjettursson oqarpoq.
AAMMA ATUARUK Qatserisartut nunani allani ikiuukkusuttut
Sverigimi pinngortitami ikuallarujussuarneranut atatillugu Sverigemi oqartussat Natomit ikioqqupput.
Sverigemi ministeriuneq Stefan Löfven tusagassiortunik ullumi katersuutitsinermi oqartoq, Sverigemi nutaarsiassaqartitsivik SVT allaaserisaqarpoq.
AAMMA ATUARUK Avannaani qatserisartut Sverigimut ikiuukkiartulersut
Grækenlandimi Europallu kujataani allani pinngortitami ikuallattoqarnera pissutigalugu EU-mit ikiorsiisoqarpianngitsoq tusagassiortunik katersuutitsinermi aamma oqaatigineqarpoq.