Qatserisartut nunani allani ikiuukkusuttut

Nunarput nunani allani ajunaarnersuaqartillugu ikiuussinnaappat, nunarput isigilluarneqarnerulissaaq nunatsinnilu iluaqutaasussanik misilittagaqartoqalissalluni. Kalaallit Nunaanni qatserisartut peqatigiiffiat, qatserisartunik nunanut allanut ikiuiartortitsinissamut qanoq periarfissaqarnersoq pillugu misissuisoq, taama isumaqarpoq.
Assi © : Pixabay.com
Allattoq Ivik Kristiansen
juulip 25-at 2018 09:28

- Nunatta avataani ajunaarnersuarmik pisoqartillugu aamma Kalaallit Nunaanninngaanniit qatserisartunik ikiuussinnaanerput, Kalaallit Nunaanni qatserisartut peqatigiiffiannit assut soqutigaarput, nunatta qatserisartuisa peqatigiiffianni siulittaasoq, Poul Olsen oqarpoq, Sverigemilu orpippassuarni ikuallannerit ikiuuffigisinnaasamittut assersuutigalugit.

Nunatsinni upalungaarsimasut piffissami qaninnerusumi angisuumik suliassaqariataartarput, soorlu Uummannap eqqaani Karrat tassaarsuaqarneranik eqqugaapput, aamma sumiiffinni arlalinni pinngortitamik ikuallattoqartoq.

AAMMA ATUARUK Store oversvømmelser ved Nuugaatsiaq og Uummannaq-området

AAMMA ATUARUK Nunami ikuallanerit arlaqarput

Poul Olsenili naapertorlugu nunatsinni qatserisartut ilaat aallassagaluarpata, qatserisartut nunatsinni sulinerannut kinguneqarpallaarnavianngilaq.

- Kalaallit Nunaanni qatserisartut 900-t sinneqartuninngaanniit immaqa inuit tallimat qulilluunniit aallartissinnaagutsigit, taakkua isaasalerlugu, ulluinnarni upalungaarsimanermi amigaataarujussuarnavianngillat, Qatserisartut peqatigiiffiata siulittaasua oqarpoq, nangillunilu oqarluni, ikiuukkusunneq nunanut allanut ikiuiartorsinnaanissamik kissaateqarnermi tunngaviusoq.

AAMMA ATUARUK Avannaani qatserisartut Sverigimut ikiuukkiartulersut

Ikiuinerli aamma nunatsinnut iluaqutissartaqassasoraa.

- Kalaallit Nunaata isigineqarnissaanut, kusanartumik sulinissamut taavalu avataanit misilittakkanik katersinissamut aamma tassuuna annertuumik misilittagaqarfigissagatsigu, Poul Olsen oqarpoq.

Qatserisartut nunani allanut ikiuiartornissaminnut qanoq periarfissaqarnerlutik apeqqutigalugu Naalakkersuisunut maanna allagaqareerput.

 aallarsinnaassagunillu allatigut tapersersorneqartariaqaramik Naalakkersuisunik suleqateqarusuttut, siulittaasuat oqarpoq.

- Taama ikiuiartussagutta aningaasaqarnikkut, soorlu angalanissamut allatigullu aningaasartuutissatigut ikiorneqarnissarput, atorfissaqartissagatsigu, Kalaallit Nunaanni qatserisartut peqatigiiffiata siulittaasua, Poul Olsen, oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk