Nunami ikuallanerit arlaqarput
Nassutuumi ikuallanneq Qaasuitsup kommuniani kisiartaanngilaq. Aasiaat kujataani Saqqarlerni nuna ikuallattoq, marlunngornermi ualikkut nalunaarutigineqarpoq. Kangaamiut timaani Kangerlussuatsiami Illut Nuaani nuna ikuallattoq aggutsip ulluisa arferngani nalunaarutigineqartoq suli ikuallappoq, qaminniarneqanngilarlu.
Aasianni qatserisartut arfinillit ikuallattumut marlunngornermi ualikkut qatseriartortinneqarput. Ikuallaneq 2,5 kvadrat kilometerisut annertutigisimasoq, Qaatsup Kommuniani isumannaallisaasut nalunaarput.
AAMMA ATUARUK Ikuallannermit siaruatsaaliiffiit nunap ikuallanneranut siaruatsaaliutaassasut
Ikuallattoq qaminneqarpoq qatserisartullu Aasiannut pingasunngornermi ullaakkut uterput.
Ikumaartitsisoqanerata kingorna ikumatitap qamilluarneqarimannginera pissutigalugu ikuallannerup aallartissimanissaa naatsorsuutigineqartoq, upalungaarsimasuutitat allapput.
AAMMA ATUARUK Angalasoqannginnissaa politiit inassutigaat
Kitaata sinnerani aamma nunami ikuallattoqarpoq
Kangerlussuatsiami Kangaamiut timaani, 20 kilometerisut tiffasitsigisumi Illut Nuaanni nuna ikuallattoq aggutsip arfernani nalunaarutigineqarpoq.
Ukuallaneq 0,52 kvadratkilometerisut annertutigisoq Qeqqata Kommuniani Ulapungaarsimanermut pisortap tullia
Morten Siegstad oqarpoq.
Qatserisartut Kangaamiuneersut ikuallattoq aggutsip ulluisa arfineq aappaanni arfineq pingajuannilu qaminniaraluarpaat,
tamannali iluatsissinnaasimanngilaq, ikuallattoq qutsissumiimmat qatserutit angusinnaasimanngilaat.
AAMMA ATUARUK Qaasuitsup Kommuniata innermik ikitsineq pujortarnerlu inerteqqutigilerai
Timmisartuutileqatigiiffiup Air Greenlandip timmissartuini aquttup Kangerlussuatsiami ikuallattoq ippassaq marlunngornermi assilivaa ikuallanerlu annertusiartorpoq.
Kangerlussuatsiami Illut Nuaani ikuallanneq inunnut uumasunut sanaartukkanut atortunullu ulorianartorsiortitsinngilaq, Qeqqata Kommuniani Ulapungaarsimanermut pisortap tullia
Morten Siegstad oqarpoq, ilanngullugu
