Nuna ikuallattoq: Angalasoqannginnissaa politiit inassutigaat
Nassuttuumi Amitsorsullu eqqaani ikuallattoqarnera pissutigalugu tamaani angalannginnissaq Kalaallit Nunaanni Politiit inassutigaat.
Allattoq Jens Thorin
aggustip 14-at 2017 11:03
Nassuttuumi Qeqertaasami ikuallannerup siaruannginnissaa Qatserisartut maanna sulissutigaat. Ikuallanneq kilometerinik hundrelikkaanik sammivinnut tamanut siaruaattumik pujuliortitsivoq.
Sisimiut Kangerlussuullu akornanni Amitsorsuup eqqaani nuna annertooq ikuallappoq, taannalu pujuliorpoq.
Inuit angalasut putsumik sammiveeruttoorsinnaapput.
Ikuallanneq ulluni qaninnerni qamissangatinneqanngilaq.
Pisortat qanimut malinnaasut, politiit nalunaaruteqarlutik allapput.
Qaasuitsup Kommuniata kommunimi illoqarfiit nunaqarfiillu avataanni innermik ikitsinerit pujortarnerillu ullumi ataasinngornermiit inerteqqutaatilerpaat.
AAMMA ATUARUK Qaasuitsup Kommuniata innermik ikitsineq pujortarnerlu inerteqqutigilerai
