Qasigiannguup napparsimmavia pinartuunngitsunut matugallartoq

Qasigiannguit napparsimmavianut saaffiginninniaruit ajornartuussaatit.

Coronavirusimmi tuniluutilertornera pissutaalluni napparsimmavimmut saaffiginnissutit pinartuunngitsut unitsinneqarput.

- Covid-19 pakkersimaarniarlugu nakorsiartitsinernut naliginnaasunut matuvugut.

- Sulisut napparsimasunik sanngiittunik isumaginnittut covid-19-imut illesorniarlugit taama aalajangersimavugut. Taavalu sanngiinnertagut peqqissaavimmik atuisut aamma illersorumagatsigit. Arlaat coronavirusimik tunillatsissimalluni iseraluarpat sulisut sanngiinnertagullu eqqugaasussaassagamik, Qasigiannguit immikkoortotaqarfiani peqqissaasoq Lotte Pilûnguak Reimer oqarpoq.

Tassa oqarasuaat 801115 matuvoq. Pinartunut attavissaq 911211-ulluni.

AAMMA ATUARUK Corona pillugu ullumikkut kisitsisit: Tallimanngormamit tunillatsissimasut nutaat 41-t

Qasigiannguanni meeqqat atuarfianni atuartut akornanni coronavirusi tuniluuttoq sapaatit akunnerata siuliani paasineqarpoq. Ikinnerpaamik 30-t tunillanneqarsimallutik. Kommune Qeqertalimmi, tassa Qasigiannguit kommuunerisaani, tunillanneqarsimasut katillugit maanna 57-iupput. 

Coronavirusip tunillaassuunerata aallaavia sapaatit akunnerata siuliani paasiniarlugu suliffeqarfiit assigiinngitsut atuartullu misissortikkiartorlugit aggersarneqaqattaarput.

Qasigiannguani misissuigasuarnerit 761-it tiguneqarsimapput, taakkunannga 59-it tunillatsissimasutut akissutersineqarput. Peqqinnissaqarfik tamatuma kingorna PCR-inik tassa toqqusaanit misissugassamik tigusipput, taakkulu Nuummi nakorsaaneqarfimmut misissugassanngortillugit nassiunneqarput.