Corona pillugu ullumikkut kisitsisit: Tallimanngormamit tunillatsissimasut nutaat 41-t
Nunatsinni tunillatsissimasut nutaat 41-t paasineqarput.
Marluk Ikerasanni, pingasut Ilulissani 36-llu Nuummi.
Nakorsaaneqarfimmit corona pillugu ullumikkut kisitsisit tamanna takutippaat. Kisitsisit taakku tallimanngormamit PCR-imik misissuinerneersuupput.
Qasigiannguani sukkasuumik misissuinerit tassa PCR-iunngitsut 761-t aamma misissorneqarput.
Qasigiannguani sukkasuumik misissuinernit 59-it tunillatsissimasutut takutinneqarput. Peqqinnissaqarfik tamatuma kingorna PCR-inik tassa toqqusaanit misissugassamik tigusipput, taakkulu Nuummi nakorsaaneqarfimmut misissugassanngortillugit nassiunneqarput. PCR-imik misissuinerit sukkasuumik misissuinernit eqqornerusarput.
Qasigiannguani utoqqaat illuanniittut tamarmik tunillatsissimanngillat.
Nuummi napparsimmavimmi suli uninngasoqarpoq, pineqartorlu pitsanngoriartorami nakorsaateqarnermut immikkoortortaqarfimmut nuutsinneqarpoq.
Napparsimasoq alla covid-19-imik tunillatsissimasoq Dronning Ingriudip Napparsimmavissuanut sapaatip akunnerata naanerani sivikitsumik unitsinneqarpoq, taanna ullumi angerlartinneqarpoq.
Tunillatsissimasut amerlassusaat kommunikkaarlugit imaapput:
- Avannaata Kommunia: Tunillatsissimasut 43-t
- Kommune Qeqertalik: Tunillatsissimasut 57-it
- Qeqqata Kommunia: Tunillatsissimasoq ataaseq
- Kommuneqarfik Sermersooq: Tunillatsissimasut 101-it
- Kommune Kujalleq: Tunillatsissimasoqanngilaq
