Qaqqaq navianaatilik oqartussanit suli misissuiffigineqartoq

Pinngortitamut Avatangiisinullu Naalakkersuisoqarfiup GEUS aamma ilisimatuut nunanit tamalaaneersut suleqatigalugit Uummannap kangerluani qaqqap sisooqqissinnaaneranik nalilersuillutik ulapputeqarput, Namminersorlutik Oqartussat tusagassiorfinnut nalunaaruteqarlutik sisamanngornermi unnukkut taama allapput.
Assi © : GEUS
Assi © : GEUS / Arktisk Kommando
Allattoq Thomas Munk Veirum
juunip 23-at 2017 06:19
Nutserisoq Simon Uldum -

- Maannamut misissukkat inerneri nunaqarfiit Nuugaatsiaq, Illorsuit aamma Niaqornat inuerutsinneqarnerinut allannguinissamut tunngavissiinngillat. Aamma misissuinerit nunaqarfinnik allanik inuerutsitsinissamut tunngavissiinngillat, Namminersorlutik Oqartussat taama allapput.

Politiit KNR-imut sisamanngornermi nalunaarutigaat annaassinniarneq naammassineqareersoq, inuillu qimagussortinneqartut 190-iusut angerlarteqqinnissaannut akisussaaffik maanna Namminersorlutik Oqartussaniittoq.

AAMMA ATUARUK Nunaqarfiit inoqanngitsut politiit nakkutigigaat

Pinngortitamut Avatangiisinullu Naalakkersuisoqarfik qitiusumik inissisimavoq, naalakkersuisoqarfiup pisortaa, Mette Skarregaard, upalungaarsimanermut ataatsimiititaliami, nunatsinni ajornartoornermi suliniuteqarnermik ataqatigiissaarisussami, siulittaasuummat.

 

Sisoortoqaqqissinnaaneranik naliliinissaq salliutinneqartoq

Namminersorlutik Oqartussanit nalunaarutigineqartoq naapertorlugu, qaqqamik sisoortoqaqqissinnaaneranik naliliineq pingaarnerpaatut salliutinneqarpoq:
- Ulorianartorsiornerit paasiniarlugit ilisimatusartut tunngavissanik assigiinngitsunik suliaqarput. Ilaatigut qaqqamik sisoortoqaqqissappat tamatuma sumiiffimmut sunniutigisinnaasai, tassaarsuaqassappat taassuma sumiiffimmi nunaqarfinnut anngunnissaata sivisussusissaa aammalu mallit sinerissamit qanoq ungasitsigisumut anngutissanersut misissuiffigineqarput.
GEUS-imi ujarassiuut pisortaata Stefan Bernsteinip marlunngormat oqaatigaa qaqqamit sisoortumit Nuugaatsiamilu arfininngormat tassaarsuaqartitsisumit kilometerip missaanik ungasitsigisumi qaqqap ilangaatsiarsua kaanngarsimasoq.
Bernstein naapertorlugu, qaqqap ilaa kaanngarsimasoq meterinik 1000-inik qutsitsigisumiippoq arfininngormallu sisoortup annertussusaanut assingulluni.

AAMMA ATUARUK Nunarujussuaq kaanngaqqasoq tassaarsuaqartitsisinnaasoq

Namminersorlutik Oqartussanit nalunaarutigineqartoq naapertorlugu, qaqqamik sisoortoqaqqissinnaaneranik naliliineq pingaarnerpaatut salliutinneqarpoq:

- Ulorianartorsiornerit paasiniarlugit ilisimatusartut tunngavissanik assigiinngitsunik suliaqarput. Ilaatigut qaqqamik sisoortoqaqqissappat tamatuma sumiiffimmut sunniutigisinnaasai, tassaarsuaqassappat taassuma sumiiffimmi nunaqarfinnut anngunnissaata sivisussusissaa aammalu mallit sinerissamit qanoq ungasitsigisumut anngutissanersut misissuiffigineqarput.

GEUS-imi ujarassiuut pisortaata Stefan Bernsteinip marlunngormat oqaatigaa qaqqamit sisoortumit Nuugaatsiamilu arfininngormat tassaarsuaqartitsisumit kilometerip missaanik ungasitsigisumi qaqqap ilangaatsiarsua kaanngarsimasoq.

Bernstein naapertorlugu, qaqqap ilaa kaanngarsimasoq meterinik 1000-inik qutsitsigisumiippoq arfininngormallu sisoortup annertussusaanut assingulluni.

Innuttaasunut eqqugaasut sapinngisamik sukkanerpaamik paasitinneqarnissaat siunertaralugu aaqqiissutissamik nassaarniarluni qaqqamik misissuisoqartoq Namminersorlutik Oqartussat ilisimatitsissutigaat.

Namminersorlutik Oqartussat innuttaasut kajumissarpaat Upalungaarsimasut, Issittumi Sakkutooqarfiup Politiillu sumiiffimmi misissuisut paasissutissanik saqqummiussaat malinnaaffigeqqullugit.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk