Nunarujussuaq kaanngaqqasoq tassaarsuaqartitsisinnaasoq

Nunarujussuup arfininngormat sisoortup annertoqataa sisoorsinnaasoq immamullu pisinnaasoq, Geus oqarpoq.
juunip 20-at 2017 11:07

Kangerlummi Karrani nunarujussuaq sisuuleratarsinnaavoq, tassaarsuummi Uummannap sulluani illut inuillu  arfininngormat amuai. 

Misissuereernerni nunarujussuup allap sisuulersinnaanik Geus-imi ujarassiooq Stefan Bernstein ilimasaaruteqarpoq.

- Nuna sisoortup takoriikkatta kitaatungaani 1 kilometerisut ungasitsigisumiittumi nuna sisooreersup annertoqataa ersippoq.

Sisoornissaalu qanoq ilimanaateqartigisinnaaneroq Stefan Bernstein aperigatsinni ima akivoq:

- Qularutissaannginngajattumik oqaatigisinnaavarput qaquguugaluarnersoq sisuulerumaartoq, kisianni aqaguussanersoq imaluunniit ukioq ataseq qaangiuppat siusuulissanersoq oqaatigisinnaanngilarput. 

Nunarujussuaq sisuulersinnaasoq 1000 meterit missiliorlugit qatsitigisumiippoq.

Nuugaatsiami, Illorsuarni aamma Niaqornani innuttaasut qaqugu nunaqarfimminnut uteqqissinnaassanersut suli oqaatigineqarsinnaanngitsoq Kalaallit Nunaanni Politiini unnerluusisussaatitap Tobias Bergip oqaatigaa:

- Oqaatigeriikkattut upalungaarsimaniarnermut oqartussat pisoq malinnaaffigeqqissaarpaat, piffissamilu matumani innuttaasut qaqugu nunaqarfimminnut utersinnaassanersut oqaatigisinnaanngikkallarput, Thomas Berg taama oqarpoq.

Nunamik sisoortitsisinnaanermut periarfissaqarnersoq taassuma aamma oqaatigisinnaanngilaa:

- Maannamut pisut inissisimanerat eqqqarsaatigalugu qaqqaq nakkutigineqarpoq, ataavartumillu nalilersorneqarpoq pisoq qanoq iliuuseqarfigineqassanersoq, Tobias Berg taama oqarpoq.

Assi © : GEUS