Qaqortumi aserorterisoqarlunilu tillinniartoqartoq
Qaqortumi sisamanngornerup unnuaani arlalinnik tillinniartoqarlunilu aserorterisoqarsimasoq, Kalaallit Nunaanni Politiini pigaartut pisortaat tallimanngornermi ullaakkut ilisimatitsivoq.
Tillinniarnerit illoqarfimmi pisiniarfinni marlunni pisimapput, pinerluttuliortut sumiiffinnit tillitaqarsimallutik. Sorpiaat tiguneqarsimanersut tamakkiisumik paasiniarlugu politiit tallimanngornermi ullaakkut sulissutigaat.
Unnuap ingerlanerani suliffeqarfiit allat marluk illoqarfimmilu angerlarsimaffiit ilaat ataaseq aamma aserorteriffigineqarsimapput. Pisuni pingasuni taakkunani igalaat aserorterneqarsimapput.
Piffissat assigiittut
Pisut pillugit nalunaarutiginninnerit unnuap ingerlanerani ullaarlu inuit suliartormata pisimasut, pigaartut pisortaat ilisimatitsivoq. Politiit taamaammat massakkut ataatsimik pinerluttuliortoqarsimanissaanik misissuipput.
- Ilimagaarput pinerluttuliortoq imaluunniit pinerluttuliortut imaassinnaasoq ataasiusut, pisummi piffissami aalajangersimasumi assigiimmik pisimapput, pigaartut pisortaat oqarpoq.
Innuttaasut nakkutiginninnissaannik ilisimasaqarunillu nalunaarutiginninnissaannik innersuuppai.
- Ilisimannittoqarpat soorunami paaserusoqaarput, pigaartut pisortaat oqarpoq.
