Qaqortoq mittarfittaassanngikkallarpoq
![](/sites/default/files/styles/image_934x467/public/article_images/flykabine_630_0.jpg?itok=HJQR7_08)
- Ataatsimiititaliami amerlanerussuteqartunit, Inuit Ataqatigiinnit, Siumumit aamma Atassummit, erseqqissaatigiumaneqarpoq, mittarfiliornissamut 2013-imi aningaasanut inatsimmi, ukiuniluunniit missingersuusiorfinni, aningaasanik immikkoortitsisoqarsimanngimmat. Ataatsimiititaliami siulittaasup tullia, Olga P. Berthelsen, allappoq.
Kujataani mittarfeqalissappat piumasaqaaterpassuit naammassineqaqqaartariaqarput, Olga P. Berthelsen aallappoq. Soorlu timmisartoqarfiup ingerlanneqarnerani aningaasartuutit aalajangersimasut matussuserneqarsinnaassapput, ataqatigiissumik aaaqqissuusineq nalunaarusiarineqassaaq soorlu aamma sanaartornerup avatangiisinut sunniutai nalilersorneqartussaasut.
Tamatuma saniatigut inuiaqatigiinni aningaasarsiornikkut misissueqqissaarnerit sukumiisumik suliarineqarsimasut ataatsimiititaliap takoqqaarusuppai, aamma kommunip aningaasaqarnera aamma takornariartitsinermik inuussutissarsiornerup misissuiffigineqarnissaat aamma kissaatigineqartoq.
Taamaattumik Inuit Ataqatigiit, Siumup aamma Atassutip isumaqatigiissutigaat:
- Aalajangiinissamut tunngavissaq tamakkiisoq suli pigineqanngitsoq, tamatumanilu amerlanerussuteqartunit tunngavissaatinneqarpoq suliassaqarfik pillugu misissueqqinnissamik Assartuinermut isumalioqatigiissitap kaammattuutaa maanna Naalakkersuisunit malitseqartinneqartoq.